Exodo 28:9 - Maung A Balita Biblia

⁹ Mangala ka na duaran baton onisi tan itatak mod sikara so kangaranan na labinduan lalakin anak nen Jacob,

Maung a Balita Biblia

⁹ Mangala ka na duaran baton onisi tan itatak mod sikara so kangaranan na labinduan lalakin anak nen Jacob,

Exodo 28:9 Iomraidhean Croise

Genesis 2:12

Dia naalmoy puron balituk, tan pati nidoma-doman pabalingit tan saray ankablin batoy alahas.)

1 Saray Awaran 29:2

Ginawak so anggaay nayarian kon angiparaan na saray nakaukolan ed pamaalagey ed Timplo na Dios ko: balituk pilak, gansa, balatyang, tabla, saray nandoroman mabmablin bato tan alahas, saray baton nandoromay kolor, tan saray marmol.

2 Saray Awaran 2:7

Mangibaki ka pa dia sirin na sakey a lakin marunong a mantatak tan mankimey ed balituk, pilak, gansa, tan balatyang, tan marunong met a manggaway asul, purpura, tan ambalangan abel. Mankimey a kaiba to ray marunong a kumikimey a taga Juda tan Jerusalem a pinili ra nen saman nen amak a David.

Say Libro nen Job 28:16

Say bili na saray sankarakepan a balituk tan alahas Ag makapipara ed bili na kakabatan.

Exodo 25:7

kornalina tan arum iran alahas ya ipepeket ed ipod tan diad apis na pagew na Pangulon Pari.

Exodo 28:10

manlapud sankatakkenan ya anggad sankalangweran; anemiran ngaran so itatak mod sakey a bato tan anemirad sananey.

Exodo 28:20

diad kumapat a dasig, peketan mo na sakey a baton birilo, sakey a kornalina, tan sakey a haspi. Ipeket mo ra ya ed panangipatoonan a balituk.

Exodo 28:36

“Manggawa ka na arkos a puron balituk tan tatakan mo na ‘Nisaklang ed Katawan.’

Exodo 28:8

Say balibaliy inkalagan balkes ya agawa met ed balituk, asul, purpura, tan ambalangan tinebey, pinon linen, tan abordaan et nepeg ya ipeket ed ipod pian mansaip ira.

Exodo 31:5

marunong a mantabas na saray alahas ya ilira, tan mankorti na tabla tan arum ni ran inartian a kimey.

Exodo 39:13

diad kumapat a dasig, pineketan da na sakey a baton birilo, sakey a kornalina, tan sakey a haspi. Nipeket ira ya ed saray panangipatoonan a balituk.

Exodo 39:6

Imparaan da ray baton onisi tan impeket da ra ed saray panangipatoonan; balibaliy imkatatakan da na kangaranan na saray labinduan lalakin anak nen Jacob.

Kanta nen Solomon 8:6

Siak labat so arom; siak labat so lakap mo. Makapanyari tan mabiskeg a singa patey so aro. Onliuliub a singa pool.

Isaias 49:16

Jesusalem, ag ta kan balut nalingwanan! Insulat kod saray dakolap ko so ngaran mo.

Ezekiel 28:13

Nanayam kad Eden a tanamanan na Dios, tan nanalahas ka na nandoroman klasin mabmablin bato: rubi, diamanti, topasio, birilo, karnilia, jaspi, sapiro, ismiralda, tan garnita. Wala ra met so ates mon balituk. Agawa ran para sika nen agew ya apalsa ka.

Zacarias 9:16

No onsabi tan ya agew, say Katawan iyagel to ray totoo to, a singa say pumapastul iyaagel tod kaatapan iray karniro to. Onkidyam irad dalin to a singa ikikidyam na saray alahas ed koronay ari.