Exodo 28:38 - Maung A Balita Biblia

³⁸ Si Aaron et nepeg ya isolung to ya ed muling to, pian siak a Katawan et awaten koy amin a bagat ya isaklang ed siak na saray Israelita, anggaman a wala ray lingon nagawa na totoo diad pangisaklang da.

Maung a Balita Biblia

³⁸ Si Aaron et nepeg ya isolung to ya ed muling to, pian siak a Katawan et awaten koy amin a bagat ya isaklang ed siak na saray Israelita, anggaman a wala ray lingon nagawa na totoo diad pangisaklang da.

Exodo 28:38 Iomraidhean Croise

Exodo 28:37

Isinger mo ya na asul a koldon diad arap na turban.

Exodo 28:43

Si Aaron tan saray anak to et nepeg ya isolung da ra ya lawas no onloob ira ed Tuldan Ayamay Katawan odino no onasingger irad altar a manlingkur a papari diad Masanton Pasen, pian ag ira ompatey lapud pangipanengneng dad laman da. Sikato yay mansiansian tontonen a nepeg a sumpalen di Aaron tan saray kabyangay boleg to.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Isaias 60:7

Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Levitico 1:4

Samay too itapew tod olo na samay baka so lima to, et diad ontan naawat imay baka a sakey a bagat a mangekal na saray kasalanan to.

Levitico 10:17

“Akin et ag yo inakan ed masanton pasen imay bagat a para kasalanan? Masanton tuloy iman, et say Katawan inter tod sikayo pian napaandi toy kasalanan na amin da ray Israelita.

Levitico 22:16

nepeg ya ag da iyabuloy a kanen ira na toon aliwan manepeg a mangan; saya et pakapankasalananan na toon mangan tan pakadusaan to. Siak so Katawan a mamapasanto ed saray bagat.”

Levitico 22:9

“Amin a pari nepeg a tombuken da ray totontonen ya inter ko. No ag da ra tombuken, mankasalanan ira tan ompatey ira, lapud sinumlang da ray masanton totontonen. Siak so Katawan a mapasantod sikara.

Levitico 23:11

Say pari isaklang to yan berber na trigo a nidoma-doman rigalo ed Katawan, pian naawat kayo. Say pari isaklang to may trigo diad ontombuk ya agew kayari na Agew na Panagpainawa.

Saray Bilang 18:1

Say Katawan kuantod kinen Aaron, “Sika, saray anak mon lalaki, tan saray Levita so nadusa lapud saray kasalanan a sumpad saray totontonen a nipaakar ed Tuldan Ayaman ko; balet sika tan saray anak mo labat so nadusa lapud kasalanan a sumpad saray totontonen a nipaakar ed inkapari.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.