Exodo 28:36 - Maung A Balita Biblia

³⁶ “Manggawa ka na arkos a puron balituk tan tatakan mo na ‘Nisaklang ed Katawan.’

Maung a Balita Biblia

³⁶ Manggawa ka na arkos a puron balituk tan tatakan mo na Nisaklang ed Katawan.

Exodo 28:36 Iomraidhean Croise

1 Saray Awaran 23:13

Si Amram so pangulowan tan sikatoy ama di Aaron tan Moises. (Si Aaron tan saray kabyangay boleg to et apili ran makaoley ya anggad angga ed saray masanton bengatla, mampool na insinso diad arapan na Katawan, manlingkur ed sikato, tan mamindision ed saray totoo diad ngaran na Katawan.

Saray Salmo 93:5

Magnayon iray ganggan mo, Katawan, tan tuan masanto so Timplom ya anggad angga.

Exodo 19:6

Magmaliw kayo a totoon nisaklang ed siak labat, tan papari a manlingkur ed siak.” Sikara yay imbaga na Dios ed saray Israelita diad panamegley nen Moises.

Exodo 28:11

Paitatak mod marunong a platiro diad duaran bato so kangaranan na saray lalakin anak nen Jacob, tan ipeket mo rad balituk a panangipatoonan.

Exodo 28:35

Si Aaron isolung to yan kawes no manlingkur a sakey a pari. No onla ed kawalaan ko diad Masanton Pasen odino no ontaynan diman, narengel so tanul na saray kampanilya, et diad ontan ag ompatey si Aaron.

Exodo 28:37

Isinger mo ya na asul a koldon diad arap na turban.

Exodo 28:9

Mangala ka na duaran baton onisi tan itatak mod sikara so kangaranan na labinduan lalakin anak nen Jacob,

Exodo 29:6

Itoon mod olo to so turban tan isinger mod saya so masanton tanda na impangisaklang ya akaitatakay, ‘Nisaklang ed Katawan.’

Exodo 39:27

Nanggawa ra na saray pinon linen a kawes ya antikey so taklay a para si Aaron tan saray lalakin anak to,

Exodo 39:30

Nanggawa ra na arkos a puron balituk a sikatoy masanton tanda na inkisaklang, tan tinatakan da na “Nisaklang ed Katawan.”

Exodo 39:31

Insinger da na asul a koldon diad arap na turban onung na ingganggan na Katawan ed kinen Moises.

Isaias 23:18

Say kuartan natubo to ed nigosio et niyapay ed Katawan. Ag to isinup yan kuarta, no ag ingen ikana na saray manangigalang ed Katawan diad pansaliw da na tagano tan saray kawes a nakaukolan da.

Ezekiel 43:12

Sikato ya so ganggan na Timplo: Masanto ya amin iray pasen ed liber-liber na Timplo diad toktok na palandey.”

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Levitico 8:9

Insan to impatoon ed olo to so turban, tan diad arap na sayan turban impeket toy balituk ya arkos, say masanton tanda na inkisaklang, onung na ingganggan na Katawan ed kinen Moises.

Zacarias 14:20

Diad satan a panaon nitatak ed anggan batingting ya arkos na kabayo ira yan salita, “Nisaklang ed Katawan.” Magmaliw a masanto iray bangan lotowan a singa saray yaung ed arap na altar.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.