Exodo 28:11 - Maung A Balita Biblia

¹¹ Paitatak mod marunong a platiro diad duaran bato so kangaranan na saray lalakin anak nen Jacob, tan ipeket mo rad balituk a panangipatoonan.

Maung a Balita Biblia

¹¹ Paitatak mod marunong a platiro diad duaran bato so kangaranan na saray lalakin anak nen Jacob, tan ipeket mo rad balituk a panangipatoonan.

Exodo 28:11 Iomraidhean Croise

Say Libro nen Job 19:24

Odino nitatak komun ed baton-dampay ira yay salitak, pian mansiansia ra ed ando lan ando.

Exodo 28:10

manlapud sankatakkenan ya anggad sankalangweran; anemiran ngaran so itatak mod sakey a bato tan anemirad sananey.

Exodo 28:12

Ipeket mo ra ed saray balabal na takeb na ipod, ta sikaray pakanudnunotan ed saray boleg na Israel. Diad onya si Aaron sakbaten tod saray takeb to so kangaranan da, pian siak a Katawan et nanunotan ko lawas iray totook.

Exodo 28:21

Diad kapag sakey ed sarayan labinduan bato say sakey a ngaran na lakin anak nen Jacob et itatak; sikaray pakanudnunotan ed saray labinduan tribu na Israel.

Exodo 28:25

Ipeket mo ray duaran samput na koldon ed saray duaran panangipatoonan, insan ipeket mo rad arap na saray balabal na ipod.

Exodo 28:36

“Manggawa ka na arkos a puron balituk tan tatakan mo na ‘Nisaklang ed Katawan.’

Exodo 39:13

diad kumapat a dasig, pineketan da na sakey a baton birilo, sakey a kornalina, tan sakey a haspi. Nipeket ira ya ed saray panangipatoonan a balituk.

Exodo 39:18

tan impeket day duaran samput na koldon ed saray duaran panangipatoonan, insan impeket da ra ed saray balabal na ipod.

Exodo 39:6

Imparaan da ray baton onisi tan impeket da ra ed saray panangipatoonan; balibaliy imkatatakan da na kangaranan na saray labinduan lalakin anak nen Jacob.

Jeremias 22:24

Inkuan na Katawan ed lakin anak nen Joakim a si Joakin ya ari na Juda, “Legan a siak so mabilay a Dios, ekalen ta ka anggaman a sika so singsing a panagtimbri diad gamet ko,

Zacarias 3:9

Ipasen kod arap nen Josue so sakey a baton pitoray lupa to. Itatak kod sayan bato so sakey a balikas, et diad sanagew ekalen koy kasalanan na sayan dalin.

TAGA-EFESO 1:13

Ontan yo met, a nen nadngel yoy tuan salita, salanti say Maung a Balita ya angiter ed sikayoy kilalaban, anisia kayod Cristo, tan minarkaan kayoy Dios a kayaryan to diad impangiter tod sikayoy insipan ton Ispiritu Santo.

TAGA-EFESO 4:30

Ag yo papaermenen so Ispiritu Santo na Dios, ta sikatoy tanda na pankayaryay Dios ed sikayo; sakey met a kaletan na pakarondon yo no onsabiy niganan Agew.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

Puyan 7:2

Anengneng ko met ya ontatagey a nanlapud bokig so sananey ya anghil a walad sikatoy timbri na mabilay a Dios. Inkelyaw tod saramay apatiran anghil ya initday Dios na pakayarin manderal na dalin tan dayat,