Exodo 27:21 - Maung A Balita Biblia

²¹ Di Aaron tan saray anak ton lalaki et sikaray mangasikaso na lamparaan ed dalem na Tuldan ayaman ko diad paway na kurtina a walad arap na Kaban na Sipanan. Diad arap ko, say lamparaan et nepeg a mandarlang manlapud labi ya anggad kabwasan. Sayan ganggan et nepeg a sumpalen ya anggad angga na saray Israelita tan saray kabyangay boleg da.

Maung a Balita Biblia

²¹ Di Aaron tan saray anak ton lalaki et sikaray mangasikaso na lamparaan ed dalem na Tuldan ayaman ko diad paway na kurtina a walad arap na Kaban na Sipanan. Diad arap ko, say lamparaan et nepeg a mandarlang manlapud labi ya anggad kabwasan. Sayan ganggan et nepeg a sumpalen ya anggad angga na saray Israelita tan saray kabyangay boleg da.

Exodo 27:21 Iomraidhean Croise

Genesis 1:5

tinawag to na “Agew” so liwawa tan “Labi” so bilonget. Linmabas so labi tan sinmabiy kabwasan—sikato ya so onaan ya agew.

Genesis 1:8

Tinawag to na “Tawen” so liwang. Linmabas so labi tan sinmabiy kabwasan—sikato ya so kumadwan agew.

2 Saray Awaran 13:11

Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

Saray Salmo 134:1

Dago kayo, ta idayew yoy Katawan, amin yon aripen to, amin a manlilingkur ed Timplo to no labi.

Exodo 12:14

Nepeg yo yan silibraan ya agew tan sikatoy pakanudnunotan yo ed ginawak, siak a Katawan. Silibraan yo ed anggan kapigan a panaon.”

Exodo 16:34

Onung na ingganggan na Katawan ed kinen Moises, si Aaron inyan tod arap na Kaban na Sipanan imay mana, pian nisinup.

Exodo 25:16

Insan mo ikargad dalem na Kaban iray duaran baton tapyak ya akaitatakan na saray ganggan.

Exodo 28:43

Si Aaron tan saray anak to et nepeg ya isolung da ra ya lawas no onloob ira ed Tuldan Ayamay Katawan odino no onasingger irad altar a manlingkur a papari diad Masanton Pasen, pian ag ira ompatey lapud pangipanengneng dad laman da. Sikato yay mansiansian tontonen a nepeg a sumpalen di Aaron tan saray kabyangay boleg to.

Exodo 29:28

Nepeg ya ag balut naoman yan imbagak; no saray totoo et mangisaklang ira na saray bagat a para kareenan, say pagew tan say ulpo na ayep et kayaryan ira na saray papari. Sikato yay rigalod siak a Katawan na saray totoo.

Exodo 29:42

Diad amin a panaon ya onsabi, sayan bagat a popoolan et nepeg ya ibagat ed arap ko diad lolooban na Tuldan Ayamay Katawan. Diman ak miabetan ed saray totoo tan mitongtong ak ed sika.

Exodo 29:44

Gawaen kon masanto so Tulda tan say altar, tan gawaen ko met a masanto si Aaron tan saray anak ton lalaki, pian makapanlingkur iran papari ed siak.

Exodo 30:21

Nepeg dan orasan so lima tan sali ra, pian ag ira ompatey. Sayan totontonen nepeg a sumpalen da tan saray kabyangay boleg da ed anggan kapigan a panaon.”

Exodo 30:36

Temek mon singa pinon pulbo so daiset ed sayan insinso, iyakar mod dalem na Tuldan Ayamay Katawan, insan mo ipukapok ed arap na Kaban na Sipanan. Ipasen mon sigput a masanto so sayan insinso.

Exodo 30:8

Onya met so gawaen to no selselan to ray lamparaan no labi. Sayan bagat na insinso et mansiansia lawas ya anggan kapigan.

Exodo 40:3

Iyan mod loob to so Kaban na Sipanan a nankarga na Samploran Ganggan tan ibitin mo so kurtina ed arap to.

Levitico 10:9

“Sika tan saray lalakin anak mo et ag nepeg ya onloob ed Tuldan Ayaman ko kayari yon oninom na alak odino arum nin mabayanin inomen, ta no gawaen yo ya, ompatey kayo. Sikato ya so sakey a ganggan a nepeg a sumpalen na amin a kabyangay boleg mo.

Levitico 16:34

Sarayan totontonen et nepeg a tombuken ya anggan kapigan man a panaon. Sayan sirimonya et nepeg a gawaen a maminsan ed sakey taon a panlinis ed amin a kasalanan da ray Israelita. Ginawa sirin nen Moises so ingganggan na Katawan.

Levitico 17:7

Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

Levitico 23:14

Ag kayo mangakan na balon trigo ya ag inloto, odino insanglil, odino ginawan tinapay, ya anggad nisaklang yo la yan bagat ed Dios. Sayan totontonen et nepeg a tombuken na amin a kabyangay boleg yo ya anggan kapigan man a panaon.

Levitico 23:21

Diad satan ya agew tonda kayod inagew-agew a kimey yo, balet mantitipon kayon mangigalang ed Katawan. Saray kabyangay boleg yo et nepeg a tombuken da ra yan totontonen ya anggan kapigan man a panaon, tan anggan iner man so panayaman da.

Levitico 24:2

ya iganggan to ray Israelita a mangiter iray puro tan sankaabigan a larak na oliba ta ikanad saray lamparaan ed dalem na Tulda, pian naynay a mandarlang so silew.

Levitico 24:3

Kapag labi si Aaron selselan to ra tan pansiansiaen to ran mandarlang ya anggad kabwasan, diad arap na Katawan ed paway na kurtinad arap na Kaban na Sipanan a walad dalem na Sankasantosan a Pasen. Sayan totontonen et nepeg a tombuken ya anggan kapigan man a panaon.

Levitico 24:9

Say tinapay kayaryan nen Aaron tan saray kabyangay boleg to, tan kanen da ed masanton pasen, lapud masanton tuloy yan parti na bagat a popoolan ed Katawan, a para saray papari.

Levitico 3:17

Anggapoy Israelita a nayarin mangan na taba odino dala; sayan totontonen et nepeg a sumpalen na amin ya Israelita ed anggan kapigan tan iner man a panaayaman da.

Levitico 3:8

itapew tod olo na samay ayep so lima to tan pateyen to ed arapan na Tulda. Saray papari isibo rad apatiran dapag na altar so dala to may ayep

Levitico 6:15

Alaen toy sankaakup ed samay arinan pinatoroan na larak, tan amin ya insinson walad tapew to, insan poolan to ra ed tapew na altar a pakapatnagan a nibagat lan amin ed Katawan imay arina; makapaliket ed Katawan so balingit na sayan bagat.

Levitico 7:36

Diad saman ya agew say Katawan ingganggan to ray totood Israel ya iter dad sikara so sayan parti na bagat. Sikato yay sakey a totontonen a nepeg ya onuren na saray totood Israel kapigan man a panaon.

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Saray Bilang 18:23

Manlapud natan saray Levita labat so manasikaso ed Tulda; sikaray makaoley ed saya tan ebatan day amin a nagawad man. Sayan totontonen et nepeg ya onuren lawas na saray kabyangay boleg yo. Saray Levita et anggapoy mansiansian kayaryan da ed Israel,

Saray Bilang 18:5

Sika tan saray anak mo labat so manggawa na saray kimey ed Masanton Pasen tan diad altar, pian ag lamet onterak so pasnuk kod saray Israelita.

Saray Bilang 19:21

Sayan totontonen et mansiansia ya anggad arapen a panaon. Say toon mangiwalsik na danum a panaglinis nepeg met ya ipesak toy kawes to; siopamay maniwit na danum a panaglinis et siansian marotak ya anggad labi.

Saray Bilang 35:29

Sarayan totontonen et onkanad sikayo tan saray kabyangay boleg yo, anggan iner so panayaman yo.

Saray Bilang 8:9

Insan mo pantitiponen iray amin a totood Israel tan panalagey mod arap na Tuldan Ayaman ko iray Levita.

Mateo 4:16

Saray totood sayan pasen ya abayag iran walad kabilongetan, anengneng day marlang a silew! Onsisindag yan silew ed saray manaayam diad kabilongetay patey!”

Lucas 12:35

“Nakaukolan a sipaparaan kayo, ya akalislis iray kawes yo tan mandardarlang iray lamparaan yo,

Juan 5:35

Si Juan et singa sakey a sinelselan a lamparaan a marmarlang, tan nanliket kayon agano ed liwawa to.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

2 Pedro 1:19

Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

Puyan 2:1

“Isulat mod anghil na iglisia ed Efeso: “Sikato yay ibabaga to may sankabembenan toy pitoran bitewen ed kawanan a lima to, tan manaakar ed pegley na pitoran balituk a panangipatoonay lamparaan.

1 Samuel 3:3

Naogip met si Samuel ed dalem na Timplo na Katawan, diad kawalaay Kaban na Sipanan na Dios. Kasakbayan na palbangon, legan a mandarlang niy lamparaan,

1 Samuel 30:25

Ginawa nen David yan totontonen et anggad natan, totombuken ni ya na saray Israelita.