Exodo 27:1 - Maung A Balita Biblia

¹ Manggawa ka na altar ya akasia. Nepeg a kuadrado; duara tan kapalduan mitro so karokey to tan duara tan kapalduan mitro so kaawang to, tan sakey tan kapalduan mitro so kaatagey to.

Maung a Balita Biblia

¹ Manggawa ka na altar ya akasia. Nepeg a kuadrado; duara tan kapalduan mitro so karokey to tan duara tan kapalduan mitro so kaawang to, tan sakey tan kapalduan mitro so kaatagey to.

Exodo 27:1 Iomraidhean Croise

2 Samuel 24:18

Diad saman met lamlamang ya agew linmay Gad ed kinen David tan kuantod sikato, “Lakad panagilikan nen Arauna ta manggawa kad may altar a para Katawan.”

2 Saray Arari 16:14

Walad leet na balon altar tan Timplo so gansan altar a nisaklang ed Katawan, kanyan impaiyalis nen Acaz ed baybay na balon altar.

1 Saray Awaran 6:49

Si Aaron tan saray kabyangay boleg to so manangyapay na saray bagat ya insinso tan manangisaklang na saray bagat a popoolan ed tapew na altar. Sikaray makaoley ed amin a panangigalang diad Sankasantosan a Pasen tan diad saray bagat a pamirdonaan na Dios ed saray kasalanan na Israel. Sarayan amin ginagawa ra onung ed saray ganggan nen Moises ya aripen na Dios.

2 Saray Awaran 4:1

Nanggawa si Ari Solomon na gansan altar a samploran mitro a kuadrado tan limaran mitroy kaatagey to.

Esdras 3:2

Si Josue a lakin anak nen Josadac, saray kapara ton papari, tan si Zorobabel a lakin anak nen Salatiel tan saray kakanayon to et impaalagey da lamet so altar a para Dios na Israel, pian napampoolan da na saray bagat onung na nisulat ed Ganggan nen Moises a too na Dios.

Exodo 17:15

Amaalagey na altar si Moises tan tinawag to na “Say Katawan so Bandirak.”

Exodo 24:4

Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel.

Exodo 31:9

say altar a panangisaklangan na bagat a popoolan tan amin a kagawaan to, say talyasi tan say ansagan to,

Exodo 35:16

say altar a panagpoolan na saray bagat, pati say gansan parilya to, saray tiken to, tan amin a kagawaan to; say talyasi tan say ansagan to;

Exodo 39:39

say altar a gansa a pati parilya to a gansa, saray tiken to, tan amin a kagawaan to; say talyasi a panagorasan a pati ansagan to;

Exodo 40:10

Insan mo isaklang so altar tan amin a kagawaan to diad panamegley na panlanam na larak, et magmaliw a sigput a masanto.

Exodo 40:29

tan diman ed arap na kurtina inlira to may altar a panagpoolan na saray bagat. Dimad tapew na altar insaklang toy bagat a popoolan tan say bagat a trigo, onung na ingganggan na Katawan.

Exodo 40:6

Iliram ed arap na Tulda so altar a panagpoolan na saray bagat.

Saray Bilang 3:31

Sikaray makaoley ed Kaban na Sipanan, say lamisaan, say panangipatoonan na lamparaan, saray altar, saray kagawaan ya ikakana na saray papari ed dalem na Masanton Pasen, tan say kurtina na loloobay Sankasantosan a Pasen. Sikaray makaoley ed amin a kimey a nipaakar ed sarayan bengatla.

Saray Bilang 4:13

Ekalen da ray dapol ed altar insan da sakbungan na ambalbalangan abel.

Saray Bilang 4:14

Itapew dad saya iray amin a kagawaan ya ikakana ed altar: saray palangganan pananginay ngalab, saray tinidor, saray karyo, tan saray talyasi. Insan da sakbungan na pinon katat tan isolung da ray tiken a panagsakbatan.

Saray Hebreo 13:10

Saray paparin manlilingkur ed panangigalangan da ray Judio et anggapoy kanepegan dan mangan ed saray bagat diad altar tayo.