Exodo 25:40 - Maung A Balita Biblia

⁴⁰ Gawam ira onung ed samay planon impanengneng kod sika dimad tagey na palandey.

Maung a Balita Biblia

⁴⁰ Gawam ira onung ed samay planon impanengneng kod sika dimad tagey na palandey.

Exodo 25:40 Iomraidhean Croise

1 Saray Awaran 28:11

Inter nen David ed kinen Solomon iray plano na amin a paalagey na Timplo, saray panagsinupan a kuarto tan amin nin arum a kuarto, tan say Sankasantosan a Pasen a diay pakapirdonaan na kasalanan.

1 Saray Awaran 28:19

Inkuanen Ari David, “Amin da ra ya et wala rad plano a nisulat onung ed saray bilin na dilin Katawan a gawaen ko.”

2 Saray Awaran 4:7

Nanggawa na samploran balituk a panangipatoonay lamparaan onung na gendat a panaggawa tan samploran lamisaan, insan to ra inyan ed manonan kuarto na Timplo. Limaran panangipatoonan tan limaran lamisaan so niiyan ed baybay a dapag tan saray arum diad abalaten a dapag. Nanggawa met na sanlasus a yaung.

Exodo 25:39

Talomplo tan kapalduan kilo a puron balituk so ikanam ed panggawa na panangipatoonan na lamparaan tan amin da ra yan kagawaan.

Exodo 25:9

Gawam yan Tulda tan amin iray kagawaan to, onung na planon ipanengneng kod sika.

Exodo 26:30

Ipaalagey moy Tulda onung na samay planon impanengneng kod sika ed tagey na palandey.

Exodo 27:8

Saray tabla so ikanam ed panggawam ed altar, tan gawam a longugan, onung na planon impanengneng kod sika diad tagey na palandey.

Exodo 31:11

say panaglana a larak, tan say ambalingit ya insinson para Masanton Pasen. Diad panggawa ed sarayan bengatla, nepeg a gawaen da onung ed amin a ganggan kod sika.”

Exodo 36:2

Si Moises tinawag to ra di Bezalel, Oholiab tan amin nin arum a lalakin marunong a mankimey ya angiteran na Katawan na karunongan tan maliket iran ontulong, tan imbaga nen Moises ed sikara ya igapo da lay mankimey.

Saray Bilang 8:4

Manlapud tagey ya anggad leksab samay panangipatoonan et agawad pinitpit a balituk onung na pangaligan ya impanengneng na Katawan ed kinen Moises.

Saray Gawgawa 7:44

“Walad saray lalaki tayo so Tulda na Sipanan diad kalawakan. Ginawa ra yan tulda, onung na imbagay Dios ed kinen Moises tan onung ed pangaligan a nipanengneng ed sikato.

Saray Hebreo 8:5

Say kimey da ra yan papari et sakey labat a kaparpara tan aninoy walad tawen. Ontan met ed kinen Moises; nen gapoan ton ipaalagey so Tuldan Sipanan, inkuay Dios ed sikato, “Apiapiger mon ipaalagey, pian nagawaan moy amin a bengatla onung ed samay planon nipanengneng ed sika diad tapew na palandey.”

Josue 22:28

Ninunot mi a no onyay nagawa, saray kabyangay boleg mi et nayarian dan ikuan, ‘Nengneng yo! Saray lalaki mi et nanggawa ray altar a singa altar na Katawan. Sayan altar et aliwan pangisaklangan na saray bagat a popoolan odino arum a bagat, no ag ingen sikatoy sakey a tanda para saray totoo mi tan saray totoo yo.’