Exodo 25:38 - Maung A Balita Biblia

³⁸ Manggawa ka na saray puron balituk a panagpotut na pabilo tan saray delsangan.

Maung a Balita Biblia

³⁸ Manggawa ka na saray puron balituk a panagpotut na pabilo tan saray delsangan.

Exodo 25:38 Iomraidhean Croise

1 Saray Arari 7:50

saray kupa, saray panagpotut na pabilo, saray yaung, saray plato a pananginay insinso, tan saray kawalin pananginay ngalab; tan saray bisagra na saray kaput na Sankasantosan a Pasen tan bisagra na saray kaput na saray puirtay Timplo. Balituk ya amin ira yan kagawaan.

2 Saray Arari 12:13

Anggapo balet ed samay kuarta so inkanan pambayar ed panggawa na saray pilak a kupa, palanggana, trumpita, odino saray katli na pabiloy lamparaan, odino antokaman a kagawaan a pilak o balituk.

2 Saray Arari 25:14

Inawit da met iray pala, tan say pananginay dapul ya ikakanad panaglinis na altar, saray panagpotut na pabiloy lamparaan, saray yaung a panagsaluran na dala na saray ayayep ya ibagat, saray yaung ya ikakanad pampool na insinso, tan amin da ray arum a gansan bengatla ya ikakanad panaglingkur ed dalem na Timplo.

2 Saray Awaran 4:21

saray dikorasion a rosas, saray lamparaan, tan saray sipit;

Exodo 25:37

Manggawa ka na pitoran lamparaan tan ipatoon mo rad panangipatoonan, pian onwandag ira ed bandad arap.

Exodo 25:39

Talomplo tan kapalduan kilo a puron balituk so ikanam ed panggawa na panangipatoonan na lamparaan tan amin da ra yan kagawaan.

Exodo 37:23

Nanggawa na pitoran lamparaan a para samay panangipatoonan, tan nanggawa na saray puron balituk a panagpotut na pabilo tan saray delsangan.

Isaias 6:6

Insan sakey ed saramay sirapin so tinmikyab ed kawalaan ko. Walay sankaawit ton ngalab a sinipit ton inalad altar.

Jeremias 52:18

Inala da met iray pala, saray pananginay dapul, saray panagpotut na pabilo, saray yaung a panagsaluray dala na saray bagat, saray yaung ya ikakanad panagpool na insinso, tan amin nin gansan kagawaan ya ikakana ed panaglingkur ed Timplo.

Saray Bilang 4:9

Mangala ra na asul ya abel tan sakbungan da so panangipatoonan na lamparaan a pati saray lamparaan to, saray sipit, saray pananginay dapul, tan amin a pananginay larak na oliba.