Exodo 25:37 - Maung A Balita Biblia

³⁷ Manggawa ka na pitoran lamparaan tan ipatoon mo rad panangipatoonan, pian onwandag ira ed bandad arap.

Maung a Balita Biblia

³⁷ Manggawa ka na pitoran lamparaan tan ipatoon mo rad panangipatoonan, pian onwandag ira ed bandad arap.

Exodo 25:37 Iomraidhean Croise

2 Saray Awaran 13:11

Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

2 Saray Awaran 4:20

saray panangipatoonan na lamparaan, tan saray lamparaan a puron balituk a selselan irad arap na Sankasantosan a Pasen onung ed plano;

Saray Salmo 119:105

Say salitam et sakey a lamparaan a mangiwanwan ed siak, tan sakey a liwawad dalan ko.

Exodo 25:38

Manggawa ka na saray puron balituk a panagpotut na pabilo tan saray delsangan.

Exodo 27:21

Di Aaron tan saray anak ton lalaki et sikaray mangasikaso na lamparaan ed dalem na Tuldan ayaman ko diad paway na kurtina a walad arap na Kaban na Sipanan. Diad arap ko, say lamparaan et nepeg a mandarlang manlapud labi ya anggad kabwasan. Sayan ganggan et nepeg a sumpalen ya anggad angga na saray Israelita tan saray kabyangay boleg da.

Exodo 30:8

Onya met so gawaen to no selselan to ray lamparaan no labi. Sayan bagat na insinso et mansiansia lawas ya anggan kapigan.

Exodo 37:23

Nanggawa na pitoran lamparaan a para samay panangipatoonan, tan nanggawa na saray puron balituk a panagpotut na pabilo tan saray delsangan.

Exodo 40:24

Diad bandad abalaten a kasumbaliwan na lamisaan, inlira to so panangipatoonan na lamparaan,

Exodo 40:25

tan diad arap na Katawan sinelselan to ra may lamparaan onung na ingganggan na Katawan.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Zacarias 4:2

Tinepet ko, “Antoy nanenengneng mo?” Inmebat ak, “Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

Saray Bilang 4:9

Mangala ra na asul ya abel tan sakbungan da so panangipatoonan na lamparaan a pati saray lamparaan to, saray sipit, saray pananginay dapul, tan amin a pananginay larak na oliba.

Saray Bilang 8:2

“Ibagam ed kinen Aaron a no ilira to ray pitoran lamparaan ed panangipatoonan, say liwawa et nepeg ya onwandag ed bendad arap.”

Mateo 5:14

“Sikayoy silew ed sankamundoan. Ag niamut so siudad a walad tapew na pokdul.

Lucas 1:79

pian nasilewan ton manlapud tawen iray walad bilonget tan anino na patey, tan iwanwan to itayod dalan na kareenan.”

Juan 1:9

Onsasabi diad mundo so tuan silew tan sikatoy mangiiter na liwawa ed saray katoowan.

Juan 12:5

“Akin et ag inlako yan pabalingit na talon lasus a dinario, insan inter ed saray mairap-bilay?”

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Puyan 1:12

Nilingaw kon nengnengen no siopay mitotongtong ed siak, et anengneng koy pitoran balituk a panangipatoonay lamparaan.

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: saray pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Puyan 1:4

Nanlapud kinen Juan yan sulat a para saray pitoran iglisia ed Asia: Nawalaan kayo komuy bindision tan kareenan a manlapud Dios—say Dios natan, nen saman, tan say onsabi—manlapud saray pitoran ispiritu a walad arap na trono to,

Puyan 22:5

Anggapo lad may labi, tan ag la ra mankaukolay lamparaan o liwaway agew, ta say Katawan a Dios so silew da, tan manari ran anggad angga.

Puyan 4:5

Manlalapud man ed trono so kirmat, saray tanul, tan dalagorug na karul. Walay pitoran mandarlang a lamparaan ed arap na trono; sikara yay pitoran ispiritu na Dios.