Exodo 25:23 - Maung A Balita Biblia

²³ “Manggawa ka na lamisaan ya akasia; talomplo tan anem a pulgada so karokey to, labinwalon pulgada so kaawang to tan duamplo tan piton pulgada so kaatagey to.

Maung a Balita Biblia

²³ Manggawa ka na lamisaan ya akasia; talomplo tan anem a pulgada so karokey to, labinwalon pulgada so kaawang to tan duamplo tan piton pulgada so kaatagey to.

Exodo 25:23 Iomraidhean Croise

1 Saray Arari 7:48

Nanggawa met si Solomon na saray balituk a kagawaan a para Timplo: say altar, say lamisaan a para masanton tinapay,

1 Saray Arari 7:49

saray samploran panangipatoonan na lamparaan a wala rad arap na Sankasantosan a Pasen, limaray walad bandad abalaten tan limaray walad bandad baybay; sary rosas, saray lamparaan, tan saray sipit;

1 Saray Awaran 28:16

saray pilak a lamisaan, tan balang balituk a lamisaan a pangitapewad saray tinapay ya ibagat ed Dios.

2 Saray Awaran 4:19

Nanggawa met si Ari Solomon na saray balituk a kagawaan a para Timplo: say altar tan saray lamisaan a pangibagatan na tinapay ed Dios;

Exodo 31:8

say lamisaan tan saray kagawaan to, say puron balituk a panangipatoonan na lamparaan tan amin a kagawaan to, say altar a panagpoolan na insinso,

Exodo 35:13

say lamisaan, saray tiken to tan amin a kagawaan to; saray tinapay ya inyapay ed Dios;

Ezekiel 41:22

altar a tabla. Sakey tan kapalduay mitro so kaatagey to tan sakey a mitro so kaawang to. Kiew iray lusek tod suyok, say nidapod datal, tan saray dingding to. Samay too inkuantod siak, “Sikato yay lamisaan a manalalagey ed arap na Katawan.”

Levitico 24:6

Idatak yo a duaran dasig iray tinapay, anemira ed kapag dasig, diad tapew na lamisaan ya inokupan na puron balituk tan walad arap na Katawan.

Saray Bilang 3:31

Sikaray makaoley ed Kaban na Sipanan, say lamisaan, say panangipatoonan na lamparaan, saray altar, saray kagawaan ya ikakana na saray papari ed dalem na Masanton Pasen, tan say kurtina na loloobay Sankasantosan a Pasen. Sikaray makaoley ed amin a kimey a nipaakar ed sarayan bengatla.

Saray Bilang 4:8

Sakbungan da ra ya na ambalangan abel, tapewan da na pinon katat insan da isolung iray tiken a panagsakbatan.

Saray Hebreo 9:2

Nipaalagey so sakey a tulda, say walad bandad paway a tatawagey Masanton Pasen. Diay kawalaan na panangipatoonan na lamparaan tan say lamisaan a kawalaay tinapay ya imbagat ed Dios.