Exodo 25:2 - Maung A Balita Biblia

² “Ibagam ed saray Israelita a mangibagat irad siak. Awat mo so antokaman a bagat ya iter a mabolbolus ed siak na siopaman a too.

Maung a Balita Biblia

² Ibagam ed saray Israelita a mangibagat irad siak. Awat mo so antokaman a bagat ya iter a mabolbolus ed siak na siopaman a too.

Exodo 25:2 Iomraidhean Croise

Esdras 1:6

Tinulongan ira na saray kaabay da diad impangiter dad sikara na saray ikakanan pilak, balituk, saray abasto, saray ayayep, saray arum a mabmablin kagawaan, tan saray bagat ya isaklang ed Timplo.

Esdras 2:68

Nen saramay nanlapud Babilonia et sinmabi rad Timplo na Katawan diad Jerusalem, pigarad saray pangulo da ray boleg so angiiter na saray bagat a manlapud mabolus a linawa a pamaalagey lamet ed Timplo diad gendat a kawalaan to.

Esdras 3:5

Niarum ed sarayan bagat so inagew-agew ya isasaklang iran bagat a popoolan, saray bagat ya isasaklang no Pistay Balon Bulan, saray bagat kapag mantitipon ira a mangigalang ed Katawan, tan saray bagat a manlapud mabulos a linawa ya isasaklang na saray totoo ed Katawan.

Esdras 7:16

Sika met so mangawit ed amin da ray natipon mon pilak tan balituk ed luyag na Babilonia, tan saray bagat a manlapud mabulos a linawa ya iter na saray Israelita tan saray papari ed Timplo na Dios da a walad Jerusalem.

Nehemias 11:2

Indayew na amin a totoo so siopaman nin maabuloy a manayam ed Jerusalem.

Saray Salmo 110:3

Maabuloy iray totoom a milaban no agew a mibakal kad saray kalaban mo. Singa linaew ed kabkabwasan saray balolakim onla rad sika diad saray masanton pokdul.

Exodo 25:1

Say Katawan kuantod kinen Moises,

Exodo 25:3

Sarayan bagat et say balituk, pilak, gansa;

Saray Bilang 18:24

lapud inter kon kayaryan da so kakaplon isaklang ed siak na saray Israelita. Sikato yay makasengeg ya imbagak ed sikara ya ag ira nepeg a nawalaan na mansiansian kayaryan ed Israel.”

2 CORINTO 9:7

Nepeg a mangiter so balang sakey, onung na bolus na linawa to, ya aliwan maermen odino napapasootan labat, ta inaro na Dios so maliket a mangiiter.

Saray Huis 5:9

Akilad saray pangulod Israel so pusok, diad saray totoon mabolbolus ya akilan akibakal. Idayew yoy Katawan!