Exodo 25:16 - Maung A Balita Biblia

¹⁶ Insan mo ikargad dalem na Kaban iray duaran baton tapyak ya akaitatakan na saray ganggan.

Maung a Balita Biblia

¹⁶ Insan mo ikargad dalem na Kaban iray duaran baton tapyak ya akaitatakan na saray ganggan.

Exodo 25:16 Iomraidhean Croise

1 Saray Arari 8:9

Anggapoy arum a karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray Israelita nen tataynan day Egipto.

2 Saray Arari 11:12

Insan impaway nen Joiada si Joas, kinoronaan to tan inter tod sikato ray ganggan a nipaakar ed panari. Alanaan tan nibawag a manari si Joas. Nantitipak iray totoo tan ineeyag da, “Andokey komun so bilay na ari!”

2 Saray Awaran 23:11

Insan impaway nen Joiada si Joas, kinoronaan to tan inter tod sikato so kupia na ganggan na nipaakar ed panari. Kanyan nagmaliw ya ari si Joas. Si Joiada a pari tan saray lalakin anak to nilanaan day Joas, insan inmeyag so balang sakey, “Andokey komuy pambilay na ari!”

Exodo 16:34

Onung na ingganggan na Katawan ed kinen Moises, si Aaron inyan tod arap na Kaban na Sipanan imay mana, pian nisinup.

Exodo 25:21

Ikargam ed dalem na Kaban iray duaran tapyak a bato tan iyan moy sakub ed tapew to.

Exodo 26:33

Sayan kurtina so ibitin mod saray panagkawit a nipeket ya arasig ed tarung na Tulda, tan iliram ed sanib to so Kaban na Sipanan a nankarga na duaran tapyak a bato. Say kurtina so ketegan na Masanton Pasen tan say Sankasantosan a Pasen.

Exodo 27:21

Di Aaron tan saray anak ton lalaki et sikaray mangasikaso na lamparaan ed dalem na Tuldan ayaman ko diad paway na kurtina a walad arap na Kaban na Sipanan. Diad arap ko, say lamparaan et nepeg a mandarlang manlapud labi ya anggad kabwasan. Sayan ganggan et nepeg a sumpalen ya anggad angga na saray Israelita tan saray kabyangay boleg da.

Exodo 30:36

Temek mon singa pinon pulbo so daiset ed sayan insinso, iyakar mod dalem na Tuldan Ayamay Katawan, insan mo ipukapok ed arap na Kaban na Sipanan. Ipasen mon sigput a masanto so sayan insinso.

Exodo 30:6

Iliram yan altar diad paway na kurtinan akabitin ed arap na Kaban na Sipanan. Diman so pasen a pangabetan kod sika.

Exodo 31:18

Nen asumpal na Dios so akisalita ed kinen Moises diad tagey na Palandey na Sinai, inter tod kinen Moises so duaran tapyak a bato ya angitatakan na dilin Dios na saray ganggan.

Exodo 32:15

Inmakseb ed alusadsar na palandey si Moises tan sankaawit to ra may duaran tapyak a baton nantopag ya akaitatakan na saray ganggan.

Exodo 34:29

Nen inmakseb a nanlapud Palandey na Sinai si Moises a sankaawit to ray Samploran Ganggan, sinminag so lupa to lapud akisalita ed Katawan; balet ag to ya amta.

Exodo 38:21

Saya so listaan na belat na saray mital ya inkana ed Tuldan Ayamay Katawan, a kawalaan na duaran tapyak a bato ya akaitatakan na Samploran Ganggan. Si Moises so angiganggan a gawaen yan listaan tan ginawa na saray Levita a mankikimey diad panangiwanwan nen Itamar a lakin anak nen Aaron a pari.

Exodo 40:20

Insan to inala ra may duaran tapyak a bato tan inyan to rad dalem na Kaban na Sipanan. Insorub tod saray liken na Kaban iray tiken tan inlira tod tapew na Kaban imay sakub.

Saray Bilang 17:4

Iyakar mo rad Tuldan Ayaman ko insan mo ra igaton ed arap na Kaban na Sipanan, a diman ta ka babanaen.

Saray Gawgawa 7:44

“Walad saray lalaki tayo so Tulda na Sipanan diad kalawakan. Ginawa ra yan tulda, onung na imbagay Dios ed kinen Moises tan onung ed pangaligan a nipanengneng ed sikato.

Saray Taga Roma 3:2

Talagan dakel! Onona, saray Judio so angipiaan na salitay Dios.

Deuteronomio 31:26

“Ala yo yan libro na Ganggan na Dios tan iyan yod abay na Kaban na Sipanan na Katawan a Dios yo, pian mansiansiad man a sakey a tasin sumpad saray totoo to.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

Josue 4:16

ya iganggan to ra may paparin manasakbat na Kaban na Sipanan ya ontatdang la rad Jordan.