Exodo 24:16 - Maung A Balita Biblia

^16-17 Linmeksab ed palandey so kagalangan na Katawan. Anengneng na saray Israelita imay kagalangan na Katawan a singa apoy a manliub ed toktok na palandey. Say lorem kinobutan to so palandey ed loob na anemiran agew, tan diad kumapiton agew say Katawan manlapud lorem tinawag toy Moises.

Maung a Balita Biblia

^16-17 Linmeksab ed palandey so kagalangan na Katawan. Anengneng na saray Israelita imay kagalangan na Katawan a singa apoy a manliub ed toktok na palandey. Say lorem kinobutan to so palandey ed loob na anemiran agew, tan diad kumapiton agew say Katawan manlapud lorem tinawag toy Moises.

Exodo 24:16 Iomraidhean Croise

Saray Salmo 99:7

Manlapud lusek a lorem, akisalitad sikara; inonur da ray ganggan tan saray bangat ya inter tod sikara.

Exodo 16:10

Nen mansasalitay Aaron ed amin a katoowan linmingaw ira ed kalawakan, et kabebekta pinmatnag ed lorem so kagalangan na Katawan.

Exodo 19:11

Nepeg ya akaparaan ira nabwas a sakey. Diad satan ya agew onakseb ak ed Palandey na Sinai, tan diman ak nanengneng na saray totoo.

Exodo 19:9

Say Katawan kuantod kinen Moises, “Onla ak ed sika diad panamegley na makapal a lorem, pian narengel na saray totoo so pitongtong kod sika tan manlapud natan sisiaen da ka.” Imbaga nen Moises ed Katawan so ebat na saray katoowan,

Exodo 20:10

balet say kumapiton agew et agew na panagpainawa a nisaklang ed siak. Diad sayan agew nepeg ya anggapoy toon mankimey: sika, saray anak mo, saray aripen mo, saray ayayep mo, odino saray sangkailin manaayam ed bansam.

Isaias 4:5

Insan diad tagey na Palandey na Sion tan diad tagey na saray totoon nantitipon diman, ibaki na Katawan so lorem no agew, tan say asewek tan say marlang ya apoy no labi. Say kagalangan na Dios sakbungan tan iyagel toy intiron siudad.

Ezekiel 1:28

tan walad sikatoy amin a kolor na bunlalakaw. Sikato yay mankidyam a liwawan mangipapanengneng na kiwawala na Katawan.

Levitico 9:23

Si Moises tan si Aaron linmoob irad dalem na samay Tuldan Ayamay Katawan; nen pinmaway ira binindisionan da ray katoowan tan pinmatnag ed amin a totoo so kagalangan na Katawan.

Levitico 9:6

Inkuanen Moises, “Ingganggan na Katawan a gawaen yo ra yan amin, pian nipanengneng ed sikato so kagalangan to.”

Saray Bilang 14:10

Dawitdawit da la ran tupaken, balet kabebekta anengneng na saray totoo so kagalangan na Katawan a pinmatnag ed tagey na Tulda.

Saray Bilang 16:42

Kayari na impantitipon dan nanriklamo sumpad kindi Moises tan Aaron, linmingaw irad Tulda et anengneng dan ontatarung ed samay Tulda so lorem tan pinmatnag so kagalangan na Katawan.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.