Exodo 23:8 - Maung A Balita Biblia

⁸ Ag kayo mangaawat na pasoksok, ta say pasoksok bulagen to so too, kanyan ag to la nanengneng so katonungan, tan deralen to so kanepegan da ray anggapoy kasalanan.

Maung a Balita Biblia

⁸ Ag kayo mangaawat na pasoksok, ta say pasoksok bulagen to so too, kanyan ag to la nanengneng so katonungan, tan deralen to so kanepegan da ray anggapoy kasalanan.

Exodo 23:8 Iomraidhean Croise

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Saray Salmo 26:10

saray totoon manggagawa lawas na kaogsan tan sipaparaan ira lawas a mangawat na pasoksok.

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Probirbio 17:23

Saray maoges a huis mangaawat ira na maamut a pasoksok; napikewet ed satan so inkatonung.

Probirbio 17:8

Walay totoon abaloan da a singa salamangka so gagawaen na pasoksok; sisiaen dan nagawaan toy amin a bengatla.

Probirbio 19:4

Saray mayaman a totoo amayamay lawas so nakakaaro ra, balet saray mairap-bilay tataynan na anggan saray pigaran kakaaro ra.

Ecclesiastes 7:7

Say toon makabat a manasaol na kapara ton too et singa lamlamang toon makulang-kulang. Say pasoksok deralen toy maung ya inkatoo.

Isaias 1:13

Andi-kakanaan so mangawit na saray bagat yo. Nanaingungotan ak lad balingit na insinson ibabagat yo. Ag ko la naanosan iray Balon Bulan a Pista yo, saray Agew na Panagpainawa yo, saray masanton panagtipon yo; nagmaliw iran andi-kakanaan lapud saray kasalanan yo.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Isaias 33:15

Nitepel yo, no salitaen tan gawaen yoy inkatonung, no ag yo ikanay pakayari yo a mansaol ed saray mairap-bilay tan ag kayo mangawat na pasoksok, no ag kayo miolup ed saray mamplaplanon mamatey na too odino manggawa na arum a kaogsan.

Isaias 5:22

Pakaskasi kayo la! Sarag yon tuay maninom na alak! Masebeg tan anggapoy takot yo no nipaakar ed pantimplay alak!

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Oseas 4:18

Kayari ran oninom na pinasyan alak, manliket irad piakdul dad saray marotak a bibii; labay da niy napelag ed kababaingan nen say makagamur na kagalangan.

Amos 5:12

Amtak iray ambelat a kasalanan yo tan saray dakerakel a ginagawa yon kaogsan. Pinapairap yo ray maung a totoo, nanaawat kayoy pasoksok, tan sinesebelan yo ray mairap-bilay diad pakagamur day katonungan ed saray korti.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”

1 Samuel 8:3

Balet ag da inalig so ama ra; kayamanan labat so pilalek dan nagamuran, kanyan nanaala ray pasoksok tan pinipekewet day katunongan.