Exodo 23:32 - Maung A Balita Biblia

³² Ag kayo misisipanan ed sikara odino anggan diad saray diriyos da.

Maung a Balita Biblia

³² Ag kayo misisipanan ed sikara odino anggan diad saray diriyos da.

Exodo 23:32 Iomraidhean Croise

Saray Salmo 106:35

Ingen, akiasawaan irad sikara, tan tinmombuk irad saray kaogaliyan da.

Exodo 23:13

“Dengel kayod amin a bengatlan imbagak ed sikayo, siak a Katawan. Ag kayo mampipikasi ed arum a diriyos; ag yo anggan bibitlaen so kangaranan da.

Exodo 23:24

Ag kayo ondadakmomo odino mangigagalang ed saray diriyos da, tan ag yo aaligen iray kagagawa rad panangigalang da. Deral yo ray diriyos da tan igeba yo ray masanton lusek da a bato.

Exodo 34:12

Ag kayo misisipanan ed saray totood bansa a laen yo, ta nayarin patit ya ed sikayo.

Exodo 34:15

Ag kayo misisipanan ed saray totood bansan laen yo, ta no mangigalang irad diriyos da tan mangibagat irad sikara, bagaan da kayon mibiang ed sikara, et natukso kayod satan a mangan na kakanen ya ibabagat da ed saray diriyos da.

2 CORINTO 6:15

Makapampaknaan kasiy Cristo tan say Diablo? Antoy pikasakeyan na mananisia ed saray aliwan mananisia?

Deuteronomio 20:18

Patey yo ra, pian ag da kayo tanggoyuren a mankasalanan ed Katawan diad pambangat dad sikayon manggawa na saray amin a makapaingongot a gagawaen da diad panangigalang dad saray diriyos da.

Deuteronomio 31:5

Panaloen to kayod sikara, et nepeg yon gawaen ed sikaray onung na imbagak ed sikayo.

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Deuteronomio 7:16

Deral yo ray amin a bansa ya ipatalo ed sikayo na Katawan, tan ag yo ran balut kakasian. Ag yo igagalang iray diriyos da, ta patit ya ed sikayo.

Deuteronomio 7:2

No sikaray pasukoen ed sikayo na Katawan a Dios yo tan taloen yo ra, nepeg yon pateyen iran amin. Ag kayo migagampid sikara, tan ag yo ra kakasian.

Josue 10:40

Adakep nen Josue so intiron dalin. Tinalo to ray arari ed kapokdulan a pasen, diad nibokig a palasur, tan diad nisagur ya alusadsar, ontan met ed ampetang a pasen diad abalaten. Anggapoy intilak ton mabilay; pinapatey ton amin iray totoo ed sarayan pasen. Sikato ya so ingganggan na Katawan a Dios na Israel.

Josue 9:7

Balet inkuan ed sikara na saray lalaki na Israel, “Akin et mipaknaan kamid sikayo? Angangko asingger dia so panaayaman yo.”

Saray Huis 2:2

Ag kayon balut misisipanan ed saray totoon manaayam ed sayan dalin. Nepeg yon igeba iray altar da.’ Balet ag yo sinumpal so imbagak ed sikayo. Sinumlang yo laingen!