Exodo 23:25 - Maung A Balita Biblia

²⁵ No igalang yo ak a Katawan a Dios yo, bindisionan ta kayo na kanen tan inomen tan ekalen ko ray sakisakit yo.

Maung a Balita Biblia

²⁵ No igalang yo ak a Katawan a Dios yo, bindisionan ta kayo na kanen tan inomen tan ekalen ko ray sakisakit yo.

Exodo 23:25 Iomraidhean Croise

Saray Salmo 103:3

Papaandien ton amin iray kasalanan ko tan papaabigen ton amin iray sakit ko.

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Ecclesiastes 5:20

Bangta inabuloyan na Dios a manliket ed bilay to, ag to la nepeg a kagunigonan a mapalalo so katikey na panayam to diad tapew na dalin.

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Isaias 33:24

Anggapoy too a manayam ed dalin tayo a manriklamod sakit; napirdona ya amin so kasalanan.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Daniel 1:15

Kalabas na samploran agew, maung niy impanlaman da tan mabiskeg ni ra nen saray arum a mangakan na taganon manlalapud palasio.

Levitico 11:44

Siak so Katawan a Dios yo, kanyan nepeg a masanto kayo ta siak et masanto ak.

Levitico 26:3

“No mambilay kayo onung ed saray ganggan ko tan onuren yo ray bilin ko,

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Deuteronomio 10:20

Takotan yoy Katawan a Dios yo tan sikatoy panlingkuran yo. Mansiansia kayod sikato tan mansipan kayo ed ngaran to labat.

Deuteronomio 13:4

Tombuk yo so Katawan tan takotan yo; toluk tan sumpal yo ray ganggan to; igalang yo tan mansiansia kayod sikato.

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Deuteronomio 7:13

Aroen to kayo tan bindisionan to kayo, pian ondakel so bilang yo tan nawalaan kayoy amayamay ya anak; bindisionan toy kaalogan yo, pian nawalaan kayoy trigo, alak, tan larak na oliba; tan bindisionan to kayo diad pangiter tod sikayo na amayamay a baka tan karniro. Iter to ra yan amin a bindision ed sikayo diad dalin ya insipan tod saray lalaki yo ya iter ed sikayo.

Deuteronomio 7:15

Say Katawan ipaliis to kayod antokaman a sakit, tan ag to ipadalan ed sikayo so antokaman a makapataktakot a salot a nilikna yod man ed Egipto, no ag ingen ipadalan to rad saray amin a kalaban yo.

Josue 22:5

Pampelengan yon onuren so ganggan ya inter ed sikayo nen Moises: aro yoy Katawan a Dios yo, onur yoy linawa to, sumpal yo ray ganggan to, nepeg a matoor kayo lawas ed sikato, tan lingkuran yo ed intiron puso tan kamarerwa yo.”

Josue 24:21

Saramay totoo kuandad kinen Josue, “Andi! Say Katawan so panlingkuran mi.”

Josue 24:24

Inkuan sirin na saray totoo ed kinen Josue, “Manlingkur kamid Katawan a Dios tayo. Onuren mi ray ganggan to.”

1 Samuel 12:20

“Ag kayo natatakot,” ebat nen Samuel. “Anggaman a ginawa yo yan kaogsan, ag yo komun ipopolisay so Katawan, no ag ingen panlingkuran yod intiron puso yo.

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.

1 Samuel 7:3

Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”