Exodo 23:23 - Maung A Balita Biblia

²³ Onlan onona nen say sikayo so anghil ko tan iyakar to kayo ed dalin na saray Amorreo, saray Heteo, saray Perezeo, saray Cananeo, saray Heveo, tan saray Jebuseo, tan deralen ko ra.

Maung a Balita Biblia

²³ Onlan onona nen say sikayo so anghil ko tan iyakar to kayo ed dalin na saray Amorreo, saray Heteo, saray Perezeo, saray Cananeo, saray Heveo, tan saray Jebuseo, tan deralen ko ra.

Exodo 23:23 Iomraidhean Croise

Genesis 24:7

Say Katawan a Dios na tawen pinaekal to ak ed abung di amak tan diad dalin da ray kakanayon ko, tan sinambaan tod siak ya iter to yan dalin ed saray kabyangay boleg ko. Mangibaki na anghil to ya ononan onla nen say sika, pian makala kad man na asawaen na anak ko.

Genesis 34:2

Nen anengneng nen Sikem a lakin anak nen Hamor a Heveo imbatik to, insan to pinasoot ya inakdulan.

Exodo 18:8

Imbaga nen Moises ed kinen Jetro iray amin a ginagawa na Katawan ed ari tan saray Egipsio diad impangyagel tod saray Israelita. Imbaga to met no panoy impanirap na saray totoo ed dalan tan no panoy impangilaban na Katawan ed sikara.

Exodo 23:20

“Mangibaki ak na sakey ya anghil ya onona nen say sikayo, ta iyagel to kayo legan na pambiahi yo tan iyakar to kayo ed pasen ya imparaan ko.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 32:2

Kanyan kuanen Aaron ed sikara, “Ekal yo ray balituk ya ikaw na kaasawaan yo, ikaw na saray anak yon lalaki tan bibii, ta iyakar yo ra diad siak.”

Isaias 5:13

Lapud saya, naala kayon priso ed arum a bansa. Ompatey ed eras iray pangulo yo, tan ompatey ed kaapgaan iray ordinarion totoo.

Deuteronomio 9:3

Balet sikayon dili nanengneng yo natan a say Katawan a Dios et manayam ed onaan yo a singa manliub ya apoy. Taloen to ra legan a lolooban yo so dalin da, pian napataynan yo ra tan masiglat yo ran napatey onung na insipan to.

Josue 23:9

Pinataynan na Katawan iray totood ankakabaleg tan makapanyarin bansa legan na pankukurang yo, et anggapoy akayarin milaban ed sikayo.

Josue 5:13

Nen asingger lad Jerico si Josue, biglan anengneng toy sakey a lakin manalalagey ed arap to a sankabembenan toy sakey ya ispada. Dinago nen Josue tan tinepet to, “Sakey ka ed saray sondalo mi, odino sakey kan kalaban?”

Josue 9:1

Saray impanatalo na Israel et akabatan na amin ya ari ed sagur na Jordan diad saray kapokdulan, diad saray alusadsar, tan diad saray patar ed gilig na Dayat na Mediteraneo ya anggad Libano diad baybay; sikara ya so ari da ray Heteo, saray Amorreo, saray Cananeo, saray Pereseo, saray Heveo, tan saray Jebuseo.