Exodo 23:18 - Maung A Balita Biblia

¹⁸ “Ag kayo mangisasaklang na tinapay a pinaalsad libadura no mangibagat kayod siak na ayep. Say taba na saray ayep ya imbagat ed siak legan na sarayan pista et ag nepeg ya ikera ya anggad ontombuk a kabwasan.

Maung a Balita Biblia

¹⁸ Ag kayo mangisasaklang na tinapay a pinaalsad libadura no mangibagat kayod siak na ayep. Say taba na saray ayep ya imbagat ed siak legan na sarayan pista et ag nepeg ya ikera ya anggad ontombuk a kabwasan.

Exodo 23:18 Iomraidhean Croise

Exodo 12:10

Ag kayo mangikekera ya anggad kabwasan; no walay nakeraan yo, nepeg yon poolan.

Exodo 12:15

Say Katawan kuanto, “Diad loob na pitoran agew ag kayo mamangan na tinapay a pinaalsad libadura—saray tinapay ya anggapoy libadura labat so kanen yo. Diad ononan agew ibantak yoy amin a libaduran narumog yo ed kaabungan yo, ta no walay Israelitan mangan na tinapay a nanlibadura legan na sarayan agew, ag la nibilang a sakey ed saray totook.

Exodo 12:8

Diad satan a labi ikalut so laman na ayep insan ipangan ed ampait a pising tan diad tinapay ya anggapoy libadura.

Exodo 16:19

Si Moises kuantod sikara, “Nepeg ya anggapod sikayo so mangisinup na natipon to para ontombuk ya agew.”

Exodo 29:34

No walay kerad kabwasan a karni odino tinapay, nepeg a poolan; ag nepeg a kanen, ta masanto.

Exodo 34:25

“Ag kayo mangibabagat na tinapay a pinaalsad libadura no mangisaklang kayod siak na ayep. Ag kayo mangikekera ya anggad kabwasan na antokaman a parti na ayep a pinatey no Pista na Paskua.

Levitico 2:11

Amin a bagat a trigo ya iyapay yod Katawan et ag nepeg a laukan na libadura; ag kayon balut mangikakana na libadura odino dilo ed kakanen ya ibagat ed Katawan.

Levitico 7:12

No say sakey a too et mangisaklang na sayan bagat a pisalamat tod Dios, nepeg a tekepan to na bagat a tinapay ya anggapoy libadura: nayarin makapal a tinapay a nikames ed larak na oliba, odino maimpis a pinoranisay larak na oliba, odino tinapay a nikames ed dakel a larak.

Levitico 7:15

Say karni na ayep nepeg a kanen ed agew ya impangibagat; nepeg ya anggapoy nakeraan ya anggad kabwasan.

Deuteronomio 16:4

Pitoy agew a sebel ed siopaman a too ed dalin yo so mangisinup na arina ed abung to; tan say karni na pinatas ya ayep ed labi na ononan agew et nakaukolan a kanen ed saman met lamlamang a labi.