Exodo 23:16 - Maung A Balita Biblia

¹⁶ “Silibraan yo so Pista na Panagani no igapo yo lan anien iray bungay tanaman yo. “Silibraan yo so Pista na saray Abung-abung diad samput na taon, no borboren yo la ray bunga na kaubasan yo tan arum a tanaman yo.

Maung a Balita Biblia

¹⁶ Silibraan yo so Pista na Panagani no igapo yo lan anien iray bungay tanaman yo. Silibraan yo so Pista na saray Abung-abung diad samput na taon, no borboren yo la ray bunga na kaubasan yo tan arum a tanaman yo.

Exodo 23:16 Iomraidhean Croise

Esdras 3:4

Sinilibraan da so Pista na saray Abung-abung onung ed saray totontonen a nisulat, tan kapag agew angisaklang ira na saray bagat a nakaukolan ed saman ya agew.

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Exodo 34:22

“Silibraan yoy Pista na Panagani no igapo yo lay manani na onaan a bungay trigo yo, tan silibraan yoy Pista na Abung-abung diad samput na taon no borboren yo la ray bungay kakiewan.

Probirbio 3:9

Pagalangan moy Katawan diad panamegley na pangibagat mod sikato na sankaabigan a bungay dalin mo.

Saray Bilang 29:1

Diad ononan agew na kumapiton bulan, nepeg a mantitipon kayon mangigalang ed Dios tan ag kayo mankikimey. Diad satan ya agew paknulen iray trumpita.

Juan 7:2

Magano lan onsabiy Pista na saray Abung-abung, sakey a pista da ray Judio.

Juan 7:37

Diad kaonuran tan manona ya agew na pista, inmalagey si Jesus tan kuantod maksil a bosis, “Siopamay napgaan nepeg toy ondagod siak tan oninom.

Saray Gawgawa 2:1

Nen sinmabiy agew na Pinticostis, nantitipon ed sakey a pasen iray amin a mananisia.

Deuteronomio 26:2

balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.