Exodo 23:14 - Maung A Balita Biblia

¹⁴ “Diad loob na sakey taon mamitlo kayon mampista a pamagalang ed siak.

Maung a Balita Biblia

¹⁴ Diad loob na sakey taon mamitlo kayon mampista a pamagalang ed siak.

Exodo 23:14 Iomraidhean Croise

1 Saray Arari 9:25

Mamitlod sakey taon a mangisaklang si Solomon na saray bagat a popoolan tan saray bagat a para kareenan, diad altar ya impaalagey ton para Katawan. Nampopool met na insinson para Katawan. Onya so impakasusumpal na Timplo.

2 Saray Awaran 8:13

Angisaklang na saray bagat a popoolan onung na ibabagay Ganggan nen Moises kapag nasabi ra yan masanton agew: Agew na Panagpainawa, Pistay Balon Bulan, tan saray taloran tinaon a pista, salanti, Pistay Tinapay ya Anggapoy Libadura, Pistay Panagani, tan Pista na saray Abung-abung.

Exodo 23:17

Kapag taon diad sarayan taloran pista amin da ray lalaki ed sikayo et nepeg ya ondagon mangigalang ed siak a Katawan a Dios yo.

Exodo 34:17

“Ag kayo manggagawa na inmoldoran diriyos a galangen yo.

Exodo 34:18

“Silibraan yoy Pista na Tinapay ya Anggapoy Libadura. Onung na ingganggan kod sikayo, mangan kayo na tinapay ya anggapoy libadura ed loob na pitoran agew no bulan na Abib, ta saman imay bulan ya impanaynan yod Egipto.

Ezekiel 46:9

“No mangigalang ed Katawan iray totoo, no anggan anton pista, saray onloob ed Timplo diad puirtad bandad baybay et nepeg ya ompaway irad puirtad bandad abalaten kayari ran mangigalang, tan saray onloob ed puirtad bandad abalaten et nepeg ya ompaway ira ed puirtad bandad baybay. Anggapoy too ya abuloyan ya ompaway ed puirtan nilooban to, no ag ingen nepeg ya ompaway ed kapetekan na nilooban ton puirta.

Levitico 23:16

Diad kumalimamplon agew, say ontombuk ya agew kayari na kumapiton Agew na Panagpainawa, mangisaklang kayo lamet ed Katawan na balon bagat a trigo.

Levitico 23:4

Ibawag mo ray onggendan a pista ed saray niganan panaon.

Levitico 23:5

Say Paskua a silibraan pamagalang ed Katawan et onggapod kapansironget na kumalabinapat agew na ononan bulan.

Deuteronomio 16:1

“Pagalangan yoy Katawan a Dios yo diad panamegley na pansilibra yo na Paskua no bulan na Abib; diad aminsan a labi ed saman a bulan so impangipaway tod sikayod Egipto.

Deuteronomio 16:16

“Amin da ray lalakin totood bansa yo et nepeg ya onla ran mamitlod sakey taon ed samay pasen a panangigalangan ta igalang day Katawan: no Paskua, no Pista na Panagani, tan no Pista na saray Abung-abung. Balang sakey a laki et nepeg a mangawit na nayarian ton iter a rigalo

1 Samuel 1:3

Tinaon ya ontataynan ed Rama si Elcana, ta onlad Silo a mangigalang tan mangibagat ed Katawan a Makapanyarin-amin. Diad Silo manaayam irad man di Ofni tan Finees ya anak nen Eli, ta papari ra na Katawan.