Exodo 22:31 - Maung A Balita Biblia

³¹ “Sikayo ray totook, kanyan ag yo kakanen so karni na dinanman ya ayep a pinatey na saray ayep ed takel; iter yo lad saray aso.

Maung a Balita Biblia

³¹ Sikayo ray totook, kanyan ag yo kakanen so karni na dinanman ya ayep a pinatey na saray ayep ed takel; iter yo lad saray aso.

Exodo 22:31 Iomraidhean Croise

Esdras 9:2

Saray lalakin Judio et angaasawa ra na saray bibiin taga arum a bansa, kanyan alaukan so poli na masanton totoo na Dios. Saray pangulo tan saray opisyal so manonan mananumlang.

Ezekiel 4:14

Balet inmebat ak, “Andi, Katawan a Dios! Ag ko ni dinotakan so siak a dili onung ed Ganggan. Nanlapu lad impanogaw ko ag ak nin balut angan na karniy ayep a basta inatey odino pinatey na ayep ed katakelan. Ag ak nin balut angan na kakanen a marotak onung ed Ganggan.”

Ezekiel 44:31

Saray papari et ag ira nepeg a mangan na manok o ayep ya inatey a bukor odino pinatey na kapara ton ayep.”

Levitico 20:25

Kanyan nepeg yon pambiigan iray ayayep tan saray manok a malinis tan saray marotak onung ed ganggan. Ag yo kakanen iray marotak ya ayayep odino saray manok. Sinintinsiaan ko la ran marotak, tan magmaliw kayon marotak no kanen yo ra.

Levitico 22:8

Ag to nepeg a kanen so karni na dinan man ya ayep ya inatey a bukor odino pinatey na saray ayep ed takel; sayan karni et makarotak ed sikato. Siak so Katawan.

Levitico 7:24

Nepeg ya ag kanen so taba na ayep ya inatey a bukor odino pinatey na ayep ed takel, balet nayarin ikana ed arum a pamaakaran.

Saray Gawgawa 10:14

Inmebat si Pedro, “Ag ko nayarian a gawaen itan, Katawan! Ag ko nin balut angan na antokaman a marotak o ag nepeg a kanen onung ed ganggan.”

Saray Gawgawa 15:20

Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Deuteronomio 14:21

“Ag yo kakanen so antokaman ya ayep ya inatey a bukor. Nayarin ipakan yod saray sangkailin manaayam ed kawalaan yo, odino ilako yo ed arum iran sangkaili. Balet kayaryan kayo na Katawan a Dios yo; sikayo ray totoo to. “Ag yo ilolotod gatas na ina to so kordiro odino kilaw na kanding.