Exodo 22:29 - Maung A Balita Biblia

²⁹ “Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Maung a Balita Biblia

²⁹ Iter yod siak, no nasabi lay nigetar a panaon, iray bagat yon trigo, alak, tan saray larak na oliba. Iter yod siak iray pangulowan ya anak yon lalaki.

Exodo 22:29 Iomraidhean Croise

2 Saray Arari 4:42

Aminsan met, walay toon sinmabin nanlapud Baal-salisa. Inawitan toy Eliseo na duamplon tinapay a ginawad ononan inani a sibada ed saman a taon, tan pigaran kapanggetel a dawa a nikargad sako. Imbaga nen Eliseo ed samay aripen to ya ipakan to ya ed saray propita,

2 Saray Awaran 31:5

Kapangipaakseb ed ganggan na ari, angyaakar iray totood Israel na saray rigalo ran sankaabigan a trigo, alak, larak na oliba, dilo, tan arum ni ran bungay dalin. Inyaakar da met iray kakaplo na antokaman a kayaryan da.

Exodo 13:12

nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo,

Exodo 13:2

“Isaklang mod siak ya amin iray lalakin anak a pangulowan, ta kayaryan ko so balang sakey a pangulowan a lakin anak ya Israelita tan balang sakey a kalakyan a besag ya anak na ayep.”

Exodo 23:15

Diad bulan na Abib, say bulan ya intaynan yod Egipto, silibraan yo so Pista na Tinapay ya Anggapoy Libadura onung na ingganggan kod sikayo. Ag kayo mamangan na tinapay a pinaalsa ed libadura legan na pitoran agew na sayan pista. Ag kayo ondadagon mangigalang ed siak ya anggapoy awit yon bagat.

Exodo 23:16

“Silibraan yo so Pista na Panagani no igapo yo lan anien iray bungay tanaman yo. “Silibraan yo so Pista na saray Abung-abung diad samput na taon, no borboren yo la ray bunga na kaubasan yo tan arum a tanaman yo.

Exodo 23:19

“Iyakar yo ed abung na Katawan a Dios yo so sankaabigan ya onaan a trigon naani yo. “Ag yo ilulutod gatas na ina to so kordiro odino kilaw na kanding.

Exodo 34:19

“Amin a lakin pangulowan tan amin a besag a kalakyan ya amon ayep et kayaryan ko,

Exodo 34:20

balet nepeg yon dondonen so balang besag ya asno diad pangibagat yo na sakey a kordiro a mangalay pasen to. No ag yo dondonen, poter yoy beklew to. Dondon yo so balang pangulowan a laki. “Balang toon ondagod siak nepeg a walay awit ton bagat.

Ezekiel 20:40

Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Mikias 7:1

Pakaskasi ak la! Singa ak sakey a toon narasan ya anggapoy narumog ton akeraan a bungay kakiewan tan anggapoy bungay ubas a nakdaan ed saray wakal. Aborbor ya amin iray bungay ubas tan amin a masamit ya igos.

Saray Bilang 18:13

Kayaryan mo ran amin. Nayarin pambilay ira na amin a kabyangan na pamilyam no malinis ira onung ed ganggan.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Saray Taga Roma 8:23

Aliwan sikara labat so onya; sikatayo met ya angawat na Ispiritu, say onaan ed saray rigaloy Dios, et manngesnges itayod inkasikatayo, legan tin aalagdey Dios a managibi ed sikatayo tan manondon na laman tayo.

Deuteronomio 15:19

“Ibiig yon para Katawan a Dios yo ray amin a besag a kalakyan a kilaw na baka tan karniro yo; ag yo pankikimey ira yan baka tan ag yo kakatlian ira yan karniro.

Santiago 1:18

Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.