Exodo 22:20 - Maung A Balita Biblia

²⁰ “Nepeg a pateyen so siopaman a mangibagat ed anggan anton dios likud ed siak a Katawan.

Maung a Balita Biblia

²⁰ Nepeg a pateyen so siopaman a mangibagat ed anggan anton dios likud ed siak a Katawan.

Exodo 22:20 Iomraidhean Croise

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

2 Saray Arari 10:25

Kayariy impangibagat nen Jehu, inkuantod saramay guardia tan saramay opisyal, “Loob ki la, ta patey yo ran amin; ag kayo mamapabatik na anggan sakey!” Linmoob iran sankabembenan day ispada, pinatey da ran amin, insan da inggagayugoy ed paway iray bangkay. Linma rad sankadaleman na timplo,

2 Saray Awaran 15:13

siopaman ed sikara ya ag manlingkur ed Katawan, malangwer may matakken, bii may laki.

Exodo 23:9

“Ag yo papairapen so sangkaili; amta yo so liknaan na sangkaili lapud sangkaili kayo met nen saman ed Egipto.

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Exodo 34:15

Ag kayo misisipanan ed saray totood bansan laen yo, ta no mangigalang irad diriyos da tan mangibagat irad sikara, bagaan da kayon mibiang ed sikara, et natukso kayod satan a mangan na kakanen ya ibabagat da ed saray diriyos da.

Ezekiel 20:7

Imbagak ed sikaran ibantak da ray makapaingungot a talintaon inararo ra, tan ag da dodotakan so sikaran dili diad pidios dad saray tila-tilan diriyos na Egipto, lapud siak so Katawan a Dios da.

Levitico 17:7

Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

Levitico 19:33

“Ag yo panggagawaan na makapoy iray sangkailin manaayam ed dalin yo.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Saray Bilang 21:3

Dinengel ira na Katawan kanyan impanalo to ran akibakal ed saray Cananeo. Kanyan saray Israelita sigput dan dineral iray Cananeo tan saray siudad da. Horma so impangingaran dad saman a pasen.

Deuteronomio 10:18

Iyaalagey toy pankatonungan da ray olila tan saray balo; inaro to ray sangkaili a manaayam ed kawalaan da ray totoo tayo, tan iitdan to ra na tagano tan kawes.

Deuteronomio 18:20

Balet nepeg ya ompatey so siopaman a propitan mansalitad ngaran ko anta ag ko ingganggan a mansalita, odino siopaman a propitan mansalita ed ngaran na saray diriyos.’

Deuteronomio 23:8

Saray kabyangay boleg da ed kumatlon kailalakan tan mantombuk iran kailalakan et nayarin mikasakey ed saray totoo na Katawan.

Deuteronomio 24:17

“Ag yo pipikeweten so katunongan da ray sangkaili tan saray olila; tan ag yo aalaen so kawes na biin balo a kaletan na utang tod sikayo.