Exodo 22:17 - Maung A Balita Biblia

¹⁷ Balet no ag onabuloy so ama ya asawaen day anak to, samay laki nepeg a bayaran to may ama na singa karakel na kuartan ibayar ed nobian marikit.

Maung a Balita Biblia

¹⁷ Balet no ag onabuloy so ama ya asawaen day anak to, samay laki nepeg a bayaran to may ama na singa karakel na kuartan ibayar ed nobian marikit.

Exodo 22:17 Iomraidhean Croise

Genesis 23:16

Inmabuloy si Abraham tan sinimbang to may bili ya imbaga nen Efron a sankarengel na saray totoo—apat a lasus a kuartan pilak, onung na panagsimbang na saray nigosianti.

Genesis 30:20

Inkuanto, “Initdan ak na Dios na marakep a rigalo. Natan akoen ak la na asawak, ta inyanakan koy anemiran lalaki”; kanyan inngaran to na Zabulon imay ogaw.

Genesis 34:12

Ibaga yod siak no anto ray labay yon irigalok, tan no pigay labay yon ibayar ko; iter koy antokaman a kerewen yo, dapot no paasawa yod siak si Dina.”

Levitico 20:6

No walad sikayoy onkerew na simbawa ed saray midium tan diad saray manangipanon ed saray ispiritu na inaatey, sumpaen ko tan ag ko la ibilang a sakey ed saray totook.

Deuteronomio 18:10

Ag yo ibabagat ed apoy a walad tapew na altar iray anak yo, tan ag yo aabuloyan a saray totoo yo et mamparles ira, tan ag yo aaligen so gagawaen da ray managbuyon, mananem, manangipanon ed maoges ya ispiritu,

Deuteronomio 22:29

nepeg a mambayar ed ama na samay bii na limamplon kuartan pilak, tan samay bii et magmaliw ya asawa to, lapud pinasoot ton akiakdulan. Ag ton balut nisiyan legan ton mambilay.

1 Samuel 18:25

et si Saul ingganggan to ran mangibaga ed kinen David: “Say labay labat na ari ya ibayar mod sikato pian naasawam so marikit to et say baog na ngoroy kayaryan na sanlasus ya inatey a lalakin Filisteo, pian makabawid saray kalaban to.” (Onyay inisip nen Saul a pagawa; pian napatey na saray Filisteo si David.)

1 Samuel 28:3

Inatey lad saman si Samuel, kanyan nanermen iray amin a totood Israel. Impompon dad Rama a dilin baley to. Pinataynan nen Saul ed paway na Israel iray amin a managpalar tan amin a manangipanon ed saray ispiritu na inaatey.