Exodo 22:14 - Maung A Balita Biblia

¹⁴ “No say sakey a too et ombayes na sakey ya ayep ed sakey a too tan asugatan odino inatey imay ayep nen andid man so akanayep, say toon binmayes et nepeg a bayaran to may binayes to.

Maung a Balita Biblia

¹⁴ No say sakey a too et ombayes na sakey ya ayep ed sakey a too tan asugatan odino inatey imay ayep nen andid man so akanayep, say toon binmayes et nepeg a bayaran to may binayes to.

Exodo 22:14 Iomraidhean Croise

Nehemias 5:4

Wala ni ray angikuan, “Apasootan kamin inmutang pian niiter mid ari so buis na saray kaalogan tan saray kaubasan mi.

Saray Salmo 37:21

Miuutang so toon maoges et ag to babayaran, balet maiter tan matulong so maung a too.

Exodo 21:34

nepeg a mambayar imay too. Bayaran to na kuarta so akanayep tan kayaryan to la may inatey ya ayep.

Exodo 22:11

samay too nepeg ya onlad pasen a panangigalangan tan sambaan to ya ag to tinakew imay ayep na sakey a too. No ag atakew, say akanayep nepeg ton akoen a naandi, tan samay sakey a too et ag la nepeg a mambayar;

Exodo 22:13

No pinatey na saray ayep ed takel, say toon manaasikaso alaen to so laman na ayep a pamaneknek ed agawa; ag to nepeg a bayaran ed akanayep so pinatey na saray ayep ed takel.

Exodo 22:15

Balet no say akanayep et wadman nen abalang so ayep, say binmayes ag nepeg a mambayar. No inabangan ya ayep, say abang et pinagkabayar la.

Levitico 24:18

tan siopamay mamatey na ayep na kapara ton too, nepeg a salatan to. Say bilay bayaran na bilay.

Mateo 5:42

Itdan moy onkerew ed sika, tan ag mo papabaingay miutang ed sika.”

Lucas 6:35

Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

Deuteronomio 15:2

Onya so nepeg a nagawa. Balang sakey a too nepeg to lan paandien so kuartan impabayes tod kapara ton Israelita; ag to la nepeg a singilen, ta say Katawan a dili et imbawag to lan apaandi la.