Exodo 21:6 - Maung A Balita Biblia

⁶ say amo tod satan awiten tod pasen a panangigalangan. Diman say amo pasaralen to may aripen ed puirta odino diad lusek na puirta, insan to tebengan ed layag. Diad ontan magmaliw lan aripen to ya anggad ag to ipatey.

Maung a Balita Biblia

⁶ say amo tod satan awiten tod pasen a panangigalangan. Diman say amo pasaralen to may aripen ed puirta odino diad lusek na puirta, insan to tebengan ed layag. Diad ontan magmaliw lan aripen to ya anggad ag to ipatey.

Exodo 21:6 Iomraidhean Croise

1 Saray Arari 12:7

Inmebat ira, “No labay mo a maung so panlingkur mod saraman a totoo, iter moy kerew da, et matoor ira lawas a manlingkur ed sika.”

Saray Salmo 82:1

Say Dios so pangulod mangatatawen a korti; sikatoy mangiiter na sintinsia no mantitipon iray diriyos:

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Exodo 21:22

“No walay pigaran totoon manlalaban tan apasakitan day sakey a biin malokun, et nakalan, balet ta ag nanliknay arum a kairapan, samay akapasakit ed sikato et nepeg a bayaran toy labay na asawa to may bii, onung na pangabubon na saray huis.

Exodo 21:5

Balet no ibaga ton malinew ya inaro toy amo to, say asawa to, tan saray anak to tan ag to labay so nawalaan na kawayangan,

Exodo 21:7

“No say sakey a laki et ilako ton aripen so anak ton bii, sayan bii et naitdan na kawayangan ya aliwan singa pangiter na kawayangan ed saray lalakin aripen.

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

Isaias 1:26

Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.”

Levitico 25:23

Say dalin ag nepeg ya ilakon anggad angga lapud ag yo kayaryan; say Dios so akankayaryan, tan singa kayo sangkailin naabuloyan a mangikana ed dalin.

Levitico 25:40

Manayam ed sikayo a sakey a kumikimey a miuupa tan panlingkuran to kayo ya anggad Taon na Panangipawil.

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Deuteronomio 1:16

“Diad saman a panaon binilin ko ra, ‘Salaysay yo ray totoon mankokolkol. Apiger yon sintinsiaan so anggan dinan a kolkolan na saray dilin totoo yo odino kolkolan na saray sangkailin manaayam ed kawalaan yo.

Deuteronomio 15:16

“Balet nayarin ag labay na aripen yo so ontaynan; nayarin inararo to kayo tan saray kabyangay pamilya yo, kanyan labay to lay mansiansian manayam ed sikayo.

Deuteronomio 15:17

Iyakar yod puirta na abung yo tan tebeng yod man so layag to; diad satan mansiansian aripen yo ya anggad ag to ipatey. Onya met so gawaen yo ed biin aripen yo.

Deuteronomio 16:18

“Manoro kayo na saray huis tan saray arum ya opisyal ed kapag baley ya iter ed sikayo na Katawan a Dios yo. Sarayan totoo et nepeg ya ipakurang day katonungan ed saray totoo.

1 Samuel 1:22

Balet ag akila natan si Ana. Inkuantod kinen asawa to, “No apakso lay ogaw, sikato lay pangawit kod abung na Katawan, tan diman lay panayaman to legan a mabilay.”

1 Samuel 27:12

Balet nanmatalek si Akis ed kinen David, tan kuantod sikaton dili, “Kabosul a maung na saray dilin totoo ton Israelita, kanyan manlingkur ed siak legan ton mambilay.”

1 Samuel 28:2

“Talaga,” ebat nen David, “Aripen mo ak, tan sikan dili so makanengneng no antoy nagawaan ko.” Inkuanen Akis, “Maung! Gawaen ta kan managbantay ed siak legan kon mambilay.”