Exodo 21:2 - Maung A Balita Biblia

² No manaliw kayo na Hebreon aripen, manlingkur ed sikayo ed loob na anem taon. Diad kumapiton taon ibolus yo ya anggapoy nepeg a bayaran to.

Maung a Balita Biblia

² No manaliw kayo na Hebreon aripen, manlingkur ed sikayo ed loob na anem taon. Diad kumapiton taon ibolus yo ya anggapoy nepeg a bayaran to.

Exodo 21:2 Iomraidhean Croise

Genesis 27:28

Itdan ka komuy Dios na linaew na tawen, tan gawaen ton mataba ray alog mo! Itdan to ka komuy dakel a naani tan daakan ya alak!

Genesis 27:36

Inkuanen Esau, “Sikato yay kumadwan impansaol tod siak. Ag la pankelawan a Jacob so ngaran to. Inala to la ray kanepegan kod inkapangulowan ya anak, tan natan inala to ni so bindision a para siak. Anggapo ta lay inkera yon bindision a para siak?”

2 Saray Arari 4:1

Linmad kinen Eliseo so sakey a biin balo na sakey a kabyangan na grupo da ray propita tan kuanto, “Inatey lay asawak! Amta yo met la a walay takot tod Dios imay asawak, balet linmad siak so lakin akautangan to, ta aalaen ton aripenen iray duaran lalakin anak ko a pinagkabayar na utang na asawak.”

Nehemias 5:8

Inkuankod sikara, “Gagawaen tayoy anggaay nayarian tayon manondon ed saray agagi tayon Judio a nilako rad saray arum a bansa. Natan balet, papasooten yo ray agagi yo ya ilako ray sikaran dili ed sikayo a kapara ran Judio!” Ag makaskasel iray pangulo tan anggapoy nibaga ra.

Exodo 12:44

balet siopamay aripen a sinaliw yo et nayarin mangan no segaten yo nin onona.

Exodo 21:3

No anggapoy asawa to nen nagmaliw ya aripen yo, nepeg ya ag to awiten so asawa to no ontaynan; balet no walay asawa to nen nagmaliw ya aripen yo, nepeg ya awiten toy asawa to.

Exodo 21:7

“No say sakey a laki et ilako ton aripen so anak ton bii, sayan bii et naitdan na kawayangan ya aliwan singa pangiter na kawayangan ed saray lalakin aripen.

Levitico 25:54

No ag narondon ed sayan polaing, sikato tan saray anak to et nibolus ed arapen a Taon na Panangipawil.

Mateo 18:25

Anggapoy nibayar to, kanyan ingganggan na ari a sikatoy ilako, pati say asawa to, saray anak to, tan amin a kayaryan to, pian makabayar.

1 CORINTO 6:20

mabliy impanaliw tod sikayo. Kanyan ikana yoy laman yo a pamagalang ed Dios.

Deuteronomio 15:1

“Diad kasamputan na kapag kumapiton taon paandi yo la ray amin a kuartan utang ed sikayo.

Deuteronomio 15:18

Ag nepeg a mairap so linawa yon mangibolus na aripen; andibali ta nilingkuran to kayo lan anem taon, tan kapaldua labat so upa na kumikimey so agastos yo. Onyay gawaen yo et say Katawan a Dios yo bindisionan to kayo ed amin a gawaen yo.

Deuteronomio 31:10

Inkuantod sikara, “Diad samput na kapag pitoy taon, no asingger lay panamaandi na saray utang, ibasa yoy Ganggan diad maksil a bosis no Pista na saray Abung-abung.