Exodo 21:1 - Maung A Balita Biblia

¹ “Iter mod saray Israelita iray onggendan a ganggan:

Maung a Balita Biblia

¹ Iter mod saray Israelita iray onggendan a ganggan:

Exodo 21:1 Iomraidhean Croise

1 Saray Arari 6:12

“No onuren mo ray ganggan tan saray bilin ko, sumpalen kod sikay insipan kod kinen amam a David.

2 Saray Awaran 19:10

No wala ray kabansaan yon taga inerman a siudad a mangisegep ira na kason nipaakar ed impamatey, odino nipaakar ed impanumlang ed dinanman a ganggan o totontonen, nepeg yo ran bilinen a maung nipaakar ed gawaen da legay bista, pian ag ira mankasalanan ed Katawan. No ag yo ya gawaen, ondapod sikayoy pasnuk na Katawan ed sikayo tan saray kabansaan yo. Balet no gawaen yoy kanepegan yo, ag kayo mankasalanan.

Nehemias 10:29

et mikakasakey kamid saray pangulo mi diad pansamba mi a mambilay kami onung ed Ganggan na Dios, ya inter to ed panamegley na aripen ton si Moises tan nadusa kami no ag mi sumpalen; ya onuren min amin so ingganggan ed sikami na Katawan, say Katawan mi; a toluken mi ray amin a bilin tan totontonen to.

Saray Salmo 147:19

Ibabaga tod saray totoo to so salita to; ipapaamta tod Israel iray bilin tan ganggan to.

Exodo 19:7

Kanyan si Moises inmakseb tan impantitipon to ray pangulo na saray totoo tan imbaga tod sikara ira may amin ya ingganggan ed sikato na Katawan.

Ezekiel 20:11

Inter tan imbangat kod sikara iray ganggan ko a mangiter na bilay ed saray mangoonur.

Ezekiel 20:25

“Insan ko ra initdan na makapoy a bilin tan saray ganggan ya ag makapangiter na bilay.

Levitico 18:26

Ginawa ra yan amin a mabambanday a kagagawa kanyan dinotakan day dalin, balet ag nepeg a gawaen yo ra ya. Amin yo, Israelita kayo man odino sangkaili, nepeg ya onuren yo ray ganggan na Katawan tan saray bilin to,

Levitico 18:5

Tombuk yo ray ganggan tan saray bilin ya iter kod sikayo; makapansiansia kayon mambilay no onuren yo ra. Siak so Katawan.”

Levitico 19:37

Sumpal yo ray amin a ganggan ko tan saray bilin ko. Siak so Katawan.”

Levitico 20:22

Say Katawan kuanto, “Onur yo ray amin a ganggan tan amin a bilin ko, pian ag kayo ipolisay na dalin na Canaan a pangyaakaran kod sikayo.

Malakias 4:4

“Nunot yo ray bangat na aripen kon Moises, saray ganggan tan saray bilin ya inter kod sikato diad Palandey na Sinai, a nepeg ya onuren na amin da ray totood Israel.

Saray Bilang 35:24

say karaklan et nepeg ya ag da pankasalananen imay toon akapatey tan ag da nepeg a pilaan so toon labay toy ombawi a kanayon to may napatey.

Saray Bilang 36:13

Sikara yay bilin tan totontonen ya inter na Katawan ed saray Israelita diad panamegley nen Moises diad saray patar na Moab ed nibaliw na Ilog na Jordan manlapud Jerico.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Deuteronomio 15:12

“No say kapara yon Israelita, bii may laki, et ilako toy sikaton dili a sakey ya aripen yo, nepeg ya ibolus yo kayariy anem taon a panlingkur tod sikayo. No onsabiy kumapiton taon, nepeg a paolyan yo lan onla.

Deuteronomio 4:14

Imbagad siak na Katawan ya ibangat kod sikayo ray amin a ganggan a nepeg yon onuren ed dalin a ngalngali yo la looban tan panayaman.

Deuteronomio 4:45

Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Deuteronomio 4:8

Anggapoy arum a bansa, anggan anto lay pakapanyari to, a walaan na saray ganggan a matonung a singa saray ganggan ya imbangat ko natan ed sikayo.

Deuteronomio 5:1

Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Deuteronomio 5:31

Balet sika, Moises, tilak ka ni dia, ta iter kod sika ray amin a ganggan tan bilin ko. Ibangat mod saray totoo, pian naonur da ra no wala la rad dalin ya iter kod sikara.’

Deuteronomio 6:1

“Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Deuteronomio 6:20

“Diad arapen a panaon saray anak yo tepeten dad sikayo, ‘Akin et say Katawan a Dios tayo et ingganggan ton onuren tayo ra yan amin a ganggan?’

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.