Exodo 20:8 - Maung A Balita Biblia

⁸ “Ngilinan moy Agew na Panagpainawa tan ipasen mon masanto.

Maung a Balita Biblia

⁸ Ngilinan moy Agew na Panagpainawa tan ipasen mon masanto.

Exodo 20:8 Iomraidhean Croise

Genesis 2:2

Diad loob na anem agew asumpal na Dios a pinalsa ira yan amin, insan diad kumapiton agew nampainawa ed amin a kimey to.

Genesis 2:3

Binindisionan na Dios yan kumapiton agew tan imbiig ton sakey a masanton agew, ta diad sayan agew asumpal toy impamalsa tod ganagana tan nampainawa.

Nehemias 13:15

Diad saman a panaon akanengneng ak ed Juda na saray totoon mamepespes na ubas no Agew na Panagpainawa. Saray arum papanoen day beneg na saray asno ra na trigo, alak, ubas, igos, tan arum ni ran bengatla, insan da iyaakar ed Jerusalem; pinasakbayan ko ran ag ira mangilalako ed saman ya agew.

Nehemias 9:14

Imbangat mo ra a ngilinan da ray masanton Agew na Panagpainawa, tan inter mod sikara iray ganggan mo diad panamegley nen Moises ya aripen mo.

Exodo 23:12

“Mankimey kayo na anem agew ed loob na sakey simba, balet ag kayo mankikimey ed kumapiton agew, pian makapampainawa ray aripen tan saray sangkailin kumikimey yo, a pati saray ayayep yo.

Exodo 31:12

Say Katawan kuantod saray Israelita

Exodo 35:1

Si Moises tinawag to ray amin ya Israelita tan kuantod sikara, “Sikato yay gawaen yo ya ingganggan na Katawan:

Isaias 56:2

Bindisionan ko ray totoon ngingilinan da lawas so Agew na Panagpainawa tan ag da susumlangen so ganggan nipaakar ed sayan agew. Bindisionan ko ray ag manggagawa na antokaman a kaogsan.”

Isaias 58:13

Say Katawan kuanto, “No ipasen yon masanto so Agew na Panagpainawa tan ag yo anapen so pankaabigan yon dili ed satan ya agew; no pablien yo so masanton agew ko tan pagalangan yo diad ag yo pambiahi, pankimey, odino pansalita na andi-kabaliksan diad satan ya agew,

Jeremias 17:21

Ibagam ed sikara a no inaro ray bilay da, ag ira mansasakbat na antokaman no Agew na Panagpainawa; ag ira manawit na bengatlan idalan dad saray puirta na Jerusalem,

Jeremias 17:22

odino manaawit na antokaman ya ipaway dad saray abung da no Agew na Panagpainawa. Ag ira nepeg a mankimey no Agew na Panagpainawa; ngilinan dan sakey a masanton agew, onung na ingganggan kod saray lalaki ra.

Jeremias 17:24

“Ibagam ed sarayan totoo a nepeg dan onuren iray amin a ganggan ko. Ag ira nepeg a manawit na antokaman ya idalan dad saray puirta na sayan siudad no Agew na Panagpainawa. Nepeg dan ngilinan a masanton agew so Agew na Panagpainawa tan ag iran balut manggagawa na antokaman a kimey.

Ezekiel 20:20

Pagmaliw yon masanto so Agew na Panagpainawa, pian magmaliw a tanda na sipanan tayo, tan mangipanunot ed sikayo a siak so Katawan a Dios yo.

Levitico 19:3

Balang sakey ed sikayo et nepeg a pangalangan toy ina to tan say ama to, tan nepeg a ngilinan toy Agew na Panagpainawa, onung na ingganggan ko. Siak so Katawan a Dios yo.

Levitico 19:30

Ngilinan yo so Agew na Panagpainawa, tan pangalangan yo so pasen a panangigalangan ed siak. Siak so Katawan.

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Levitico 26:2

Ngilinan yo ray agew na panagpainawa tan igalang yoy pasen a panangigalangan ed siak. Siak so Katawan.

Saray Bilang 15:32

Aminsan nen wala nid kalawakan iray Israelita, walay sakey a toon apesgaan a mandodokdok ed Agew na Panagpainawa na kiew ya itotongo.

Deuteronomio 5:12

“Ngilinan moy Agew na Panagpainawa tan ipasen mon masanto, onung na ingganggan ko, siak a Katawan a Dios mo, ed sika.