Exodo 20:7 - Maung A Balita Biblia

⁷ “Ag mo ikakanad maoges iran getma so ngaran ko a Yahweh a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Maung a Balita Biblia

⁷ Ag mo ikakanad maoges iran getma so ngaran ko a Yahweh a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Exodo 20:7 Iomraidhean Croise

Genesis 27:20

Inkuanen Isaac, “Panoy impakalam a tampol, anak ko?” Inmebat si Jacob, “Tinulongan ak na Dios a Katawan yo.”

1 Saray Arari 2:9

Natan balet ag mo papaolyan ya ag nadusa. Gawam so isisipen mon maabig; nepeg mon papatey ya andi-saew.”

2 Saray Arari 5:20

nen si Giezi ya aripen nen Eliseo et inkuantod sikaton dili, “Ag impanbayar na amok si Naaman a Siriano. Inawat to komun imay iiter to. Diad ngaran na mabilay a Katawan, aboten ko, ta miala ak na antokaman ed sikato.”

Saray Salmo 139:20

Mansasalita ray maoges a nipaakar ed sika; lelemlemewen day ngaran mo.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Jeremias 34:16

Balet angoman kayo lamet na kanunotan tan ag yo ak pinagalangan. Binabawi yon amin ira may aripen ya imbobolus yo onung na labay da, tan pinasoot yo ra lamet ya inaripen.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Ezekiel 39:7

Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.”

Levitico 19:12

Ag kayo mansisipan ed ngaran ko no ag yo lamlamang tooren; saya et makapangipelag ed kababaingan na ngaran ko. Siak so Katawan a Dios yo.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

2 CORINTO 1:23

Say Dios so tasik—kabat toy walad dalem na pusok. Nununoten ta kayo, kanyan ag ak nid tan linmad Corinto.

Deuteronomio 10:20

Takotan yoy Katawan a Dios yo tan sikatoy panlingkuran yo. Mansiansia kayod sikato tan mansipan kayo ed ngaran to labat.

Deuteronomio 5:11

“Ag mo ikakanad maoges iran getma so ngaran ko a Yahweh, a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Santiago 5:12

Manonad amin, agagik, ag kayo mansasamba no mansipan kayo. Ag yo pansasambaay tawen, o say dalin, o arum ni ran pansambaan. Duga lay pangibaga yoy “On” no on, tan “Andi” no andi, pian ag kayo sintinsiaay Dios.

Josue 2:12

Natan mansamba kayo karid ngaran na Katawan a kasian yoy pamilyak a singa impangasik et sikayo, tan itdan yo ak na tanda a napanmatalkan ta kayo.

Josue 2:17

Inkuan na saramay lalaki ed sikato, “Tooren mi may impaisipan mod sikami.

Josue 9:20

Nepeg ti ran pambilayen lapud sikatoy insipan mi; no diwiten tayo ra, dusaen itayo na Dios.