Exodo 20:4 - Maung A Balita Biblia

⁴ “Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Maung a Balita Biblia

⁴ Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Exodo 20:4 Iomraidhean Croise

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

2 Saray Arari 17:12

tan ag da inonur so ganggan na Katawan ya ag ira mangigalang ed saray talintaoy diriyos.

2 Saray Awaran 33:7

Angyan na sakey a talintao ed Timplo. Onyay inkuan na Katawan ed kinen David tan si Solomon a lakin anak to nipaakar ed sayan Timplo: “Diad Jerusalem, diad ed sayan Timplo, so pasen a pinilik ed amin da ray lugar na labinduan tribu na Israel a pangigalangan ed siak.

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

Saray Salmo 97:7

Napepelag ed kababaingan ya amin iray mangigagalang ed saray talintaoy diriyos; mandadakmomo ya amin iray diriyos ed Katawan.

Exodo 20:23

Ag yo igagawaay sikayon dili na saray diriyos a pilak odino balituk, insan kaibak iran galangen yo.

Exodo 32:1

Nen anengneng na saray totoo ya ag ni inmakseb si Moises no ag ingen abaybayag lan wadmad tagey na palandey, kinumpog day Aaron tan kuandad sikato, “Ag tayo amta no antoy agawad saman a toon Moises ya angipaway ed sikatayod Egipto, kanyan igawaan mo kami na sakey a dios a mangiwanwan ed sikatayo.”

Exodo 32:23

Inkuandad siak, ‘Ag tayo amta no antoy agawad saman a toon Moises ya angipaway ed sikatayod Egipto, kanyan igawaan mo kami na dios a mangiwanwan ed sikatayo.’

Exodo 32:4

Inala to ra nen Aaron, tinonaw to ra, inkalbo tod moldora, tan ginawa ton balituk a bakan kalakyan. Saray totoo kuanda, “Israel, sikato ya so dios tayo ya angipaway ed sikatayod Egipto.”

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Exodo 34:17

“Ag kayo manggagawa na inmoldoran diriyos a galangen yo.

Isaias 42:17

Amin da ray manmamatalek ed saray talintaoy diriyos ya ibabaga ran dios da iray imahin et napaabeba ra tan napelag irad kababaingan.”

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Isaias 45:16

Nabaingan ya amin iray managgaway talintaoy diriyos; napelag iran amin ed kababaingan.

Ezekiel 20:7

Imbagak ed sikaran ibantak da ray makapaingungot a talintaon inararo ra, tan ag da dodotakan so sikaran dili diad pidios dad saray tila-tilan diriyos na Egipto, lapud siak so Katawan a Dios da.

Ezekiel 8:10

Kanyan linmoob ak tan ninmengneng ak. Nipintad padir iray oleg tan saray arum a marotak ya ayayep onung ed ganggan; nipinta met iray arum a bengatlan gagalangen na saray Israelita.

Ezekiel 8:3

Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Levitico 19:4

“Ag yo ak ikakaindan tan ag kayo mangigagalang ed saray talintaoy diriyos; ag kayo manggagawa na saray mital a diriyos insan yo ra pampikasian. Siak so Katawan a Dios yo.

Levitico 26:1

Say Katawan kuanto, “Ag kayo manggagawa na saray diriyos, ni mangipapaalagey na saray talintao, saray baton lusek, odino saray kinortin bato a galangen yo. Siak so Katawan a Dios yo.

Saray Bilang 12:8

Kanyan misasalita ak ed sikato a lupa-lupaan; malinew so pisasalitak ed sikato aliwan diad masoliwet a panagsalita; anengneng to ni ingen so alagey ko! Akin et nitepel yo so nansalita na sumpad aripen kon Moises?”

Saray Gawgawa 17:29

Lapud anak itayo met na Dios, ag tayo komun ipasen a say Dios et singa talintaon balituk, pilak, o baton ginaway lima tan kakabatan na too.

Saray Taga Roma 1:23

Anta igalang da komun so ag ompatey a Dios, igagalang da ray talintaoy toon ompatey, saray talintao da ray manok, o ayayep ya apatiray sali, o onkokorung ya ayayep.

Deuteronomio 16:22

Tan ag kayo mangililira na baton lusek a pangigalangan ed talintaoy dios; kabosul ya na Katawan.

Deuteronomio 27:15

“‘Napelag komun so samba na Dios ed siopaman a manggawa na talintaon bato, kiew, odino mital insan to galangen ed maamut; kabosul na Katawan so pangigalangan ed saray talintaoy diriyos.’ “Insan onebat iray amin a totoo, ‘Amen!’

Deuteronomio 5:8

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum ed dalem na dalin.

Puyan 16:2

Linma la sirin imay onaan ya anghil, tan inkalbo tod mundo so kargay yaung to. Linmesa ray makarimdimla tan ansakisakit a giri ed saray walay marka na samay ayep, tan saray angigalang ed talintao to.

Puyan 9:20

Saray totoon atilak ed dinmalan iran salot et ag da binenegan iray ginagawa ran dili. Ag da tinondaay mangigalang ed saray dimonyo tan saray talintaoy diriyos a ginagaway lima ra—saray talintaon balituk, pilak, tanso, bato, tan kiew ya ag makanengneng, makadngel, o makaakar.

Saray Huis 17:3

Impawil nen Micaya imay kuarta, insan inkuanen ina to, “Pian ag ondapod anak ko imay samba, masimoon kon isaklang ed Katawan yan kuartan pilak. Ikanak ed panggawad kiew a talintao a naokupay pilak. Kanyan natan ipawil kod sika yay kuarta.”