Exodo 20:18 - Maung A Balita Biblia

¹⁸ Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Maung a Balita Biblia

¹⁸ Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Exodo 20:18 Iomraidhean Croise

Genesis 15:17

Nen sinmelek lay agew tan ambilonget la, biglan walay banga a manasasewek tan kiew a mandarlang a dinmalan ed nanleetan na saramay pinalduan laman na ayayep.

Genesis 3:10

Inmebat imay laki, “Arengel ta kad tanamanan; antakot ak ta labus-lakseb ak, kanyan inamutan ta ka.”

Saray Salmo 81:7

Tinmawag kayod siak nen nagugunigon kayo, et inlaban ta kayo. Manlapud panaamutan kod bagyo inebatan ta kayo. Diad saray sobul na Meriba, sinubok ta kayo.

Jeremias 23:23

“Siak so sakey a Dios a kawalaan toy amin a pasen, aliwan saksakey a pasen labat.

Deuteronomio 18:16

“Diad samay agew a nantitipon kayod Palandey na Sinai, kinerew yon ag yo la dengelen a mansalita lamet so Katawan o nengnengen yo so mandarlang a kiwawala to, ta antakot kayo ompan ompatey kayo.

Deuteronomio 4:36

Inabuloy ton narengel yo so bosis ton nanlapud tawen pian nabilin to kayo; tan diad tapew na dalin inabuloy ton nanengneng yo so masanton apoy to, tan akisalitad sikayo manlapud saman ya apoy.

Deuteronomio 5:23

“Nen napopoolan imay intiron palandey tan nadngel yoy bosis a nanlapud kabilongetan, dinmagod siak iray pangulo na saray tribu yo tan saray mamatakken yo

Deuteronomio 5:25

Balet akin et iposta mi lamet so bilay mi? Pateyen to kami man ya apoy. Andi-duaruwan ompatey kami no narengel min mansalita lamet so Katawan a Dios tayo.

Deuteronomio 5:27

Pawil ka, Moises, ta dengel moy amin ya ibaga na Katawan a Dios tayo. Insan ka ompawil dia, ta ibagam ed sikami so imbaga to. Ondengel tan ononur kami.’

Deuteronomio 5:5

Diad saman nanalagey ak ed nampegleyan yo tan say Katawan pian nibagak ed sikayo so imbaga to, lapud antakot kayod samay apoy tan ag kayo kinmalab ed palandey. “Say Katawan kuanto,