Exodo 20:14 - Maung A Balita Biblia

¹⁴ “Ag ka mikakaloguran.

Maung a Balita Biblia

¹⁴ Ag ka mikakaloguran.

Exodo 20:14 Iomraidhean Croise

Genesis 39:9

Nampara lay pakaoley mi ed sayan abung tan anggapoy ag to inter ed siak, likud ed sika. Ag ko nayarian a gawaen itan a kabandayan, ta mankasalanan ak ed Dios.”

2 Samuel 11:27

Kayariy panaon na impanermen to, inala nen David ed palasio; nagmaliw ya asawa to tan naanakan to na sakey a laki. Balet akapaermen ed Katawan yan ginawa nen David.

Levitico 18:20

Ag ka miaakdul ed asawa na sananey a laki; pagmaliwen to kan marotak onung ed ganggan.

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Saray Bilang 5:12

ya iter to ray onggendan a bilin ed saray Israelita. Nayarin nagawa a say sakey a laki et manginap a mankakasalanan ed sikato so asawa to, ta dinotakan toy sikaton dili diad impiakdul tod sananey a laki. Balet nayarin manduaruwa imay laki, lapud nayarin inyamut na samay bii so ginawa to—anggapoy makatasi, tan ag apesgaan ed impanggawa toy maoges. Nayari met a nagawa a manginap, anggaman ya aliwan tua a samay bii et mankakasalanan ed sikato.

Mateo 19:18

“Anto ra tan a ganggan?” tepet to. Inmebat si Jesus, “Ag ka mamapatey; ag ka mikakaloguran; ag ka mantatakew; ag ka mantitila ed pantasim;

Saray Taga Roma 13:9

Ta saray ganggan, “Ag ka mikakaloguran; ag ka mamapatey; ag ka mantatakew; ag ka maagom” tan arum ni ran ganggan a singa saraya et natitibokel ed sayan ganggan, “Arom so kaparam a too, a singa panangarom ed sikan dili.”

Deuteronomio 5:18

“‘Ag ka mikakaloguran.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Santiago 2:11

Ta say angibaga, “Ag ka mikakaloguran,” imbaga to met, “Ag ka mamapatey.” Anggan ag ka mikaloguran balet et amatey ka, mananumlang ka met lamlamang ed ganggan.

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”