Exodo 20:13 - Maung A Balita Biblia

¹³ “Ag ka mamapatey.

Maung a Balita Biblia

¹³ Ag ka mamapatey.

Exodo 20:13 Iomraidhean Croise

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

2 Saray Awaran 24:22

Alingwanan na ari so matoor ya impanlingkur ed sikato nen Joiada ya ama nen Zacarias, kanyan impapatey toy Zacarias. Nen ompapatey si Zacarias, inmeyag, “Nanengneng komun na Katawan so gagawaen yo tan dusaen to kayo!”

Exodo 21:12

“Siopamay mangabil na kapara ton too tan apatey to, nepeg a pateyen.

Exodo 21:14

Balet no say sakey a too et akapasnuk tan ginagala ton pinatay so kapara ton too, nepeg ya alaen a pateyen anggan binmatik lad altar ko.

Exodo 21:20

“No say sakey a too et pekpeken toy aripen ton laki odino bii tan inatey ed samay bektan impamekpek to, nepeg a dusaen.

Exodo 21:29

Balet no say bakan kalakyan et kagagawa to lay mambono na too tan apasakbayan la so akanayep et ag to nin siansia ikolung ed koral—insan mamono yan baka tan inatey so binono to, nepeg a tupaken so baka tan nepeg met a pateyen so akanbaka.

Exodo 23:7

Ag kayo mantitila ed pandalem yo, tan ag yo papateyen so toon matonung tan anggapoy kasalanan, ta ag ko ipasen a matonung so toon manggawa na ontan a kaogsan.

Probirbio 1:11

No bilang ta ikuanda, “Gala, ta mananap itayoy pateyen tayon too! Dogpaan tayo ray totoon anggapoy kasalanan, pian walay panliketan tayo!

Probirbio 1:18

Balet saray ontan a totoo et papatitan day sikaran dili; diad dilin patit day pateyan da.

Isaias 26:21

Say Katawan et onsasabin manlalapud mangatatawen a pasen ya ayaman to tan dusaen to ray totood mundo lapud saray kasalanan da. Nipaamta iray maamut ya impamatey diad tapew na dalin, tan say dalin ag to la iyamut iray apatey-patey.

Jeremias 26:15

Balet onyay andi-duaruwan nagawa: no pateyen yo ak, sikayo tan saray totood sayan siudad et mankasalanan lapud impamatey yod toon anggapoy kasalanan, ta say Katawan so angibakid siak ya iter kod sikayo yan pasakbay.”

Levitico 24:17

“Siopamay mamatey na kapara ton too, nepeg a pateyen,

Levitico 24:21

Siopamay amatey na ayep na kapara ton too nepeg a salatan to, balet siopamay mamatey na kapara ton too, nepeg a pateyen.

Mateo 19:18

“Anto ra tan a ganggan?” tepet to. Inmebat si Jesus, “Ag ka mamapatey; ag ka mikakaloguran; ag ka mantatakew; ag ka mantitila ed pantasim;

Marcos 10:19

Amtam iray ganggan: ‘Ag ka mamapatey; ag ka mikakaloguran; ag ka mantatakew; ag ka mantitila ed pantasim; ag ka mansasaol; igalang moy amam tan inam.’”

Lucas 18:20

Amtam iray ganggan: ‘Ag ka mikakaloguran; ag ka mamapatey; ag ka mantatakew; ag ka mantitila ed pantasim; igalang moy amam tan inam!’”

Saray Gawgawa 16:28

Balet inmingaingal si Pablo, “Ag mo papasakitay laman mon dili, ta wadya kamin amin!”

Saray Gawgawa 28:4

Nen anengneng na saramay tagad man imay oleg ya akabitin ed lima to, inkuandad sakey tan sakey, “Talagan managpatey yan too. Nilaban a tuad dayat, balet ag inyabuloy na Kapalaran a mambilay.”

Saray Taga Roma 13:9

Ta saray ganggan, “Ag ka mikakaloguran; ag ka mamapatey; ag ka mantatakew; ag ka maagom” tan arum ni ran ganggan a singa saraya et natitibokel ed sayan ganggan, “Arom so kaparam a too, a singa panangarom ed sikan dili.”

TAGA GALACIA 5:21

panagibeg, panagbuanges, alablabas a panagliket, tan arum ni ran singa saraya. Papasakbayan ta ki lamet a singa samay inmona: saray manggawad saraya, ag da natawir so Panariay Dios.

Deuteronomio 5:17

“‘Ag ka mamapatey.

1 Timoteo 1:9

Nepeg tin tandaan a saray ganggan et ag ira agawa para saray matonung a totoo, no ag ingen para saray mananumlang na ganggan, saray kriminal, saray ag mamirbir ed Dios, saray makasalanan, saray aliwan matonung, saray ag mangitaltalek ed maispiritun bangat, saray managpatey na saray kaamaan tan kainaan da, saray managpatey na kapara ran too,

Santiago 2:11

Ta say angibaga, “Ag ka mikakaloguran,” imbaga to met, “Ag ka mamapatey.” Anggan ag ka mikaloguran balet et amatey ka, mananumlang ka met lamlamang ed ganggan.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.