Exodo 20:11 - Maung A Balita Biblia

¹¹ Diad loob na anemiran agew siak a Katawan et pinalsak so tawen tan dalin, saray dayat tan amin a logan da, balet diad kumapiton agew nampainawa ak. Sikato yay makasengeg a siak a Katawan et binindisionan koy Agew na Panagpainawa tan ginawak a masanto.

Maung a Balita Biblia

¹¹ Diad loob na anemiran agew siak a Katawan et pinalsak so tawen tan dalin, saray dayat tan amin a logan da, balet diad kumapiton agew nampainawa ak. Sikato yay makasengeg a siak a Katawan et binindisionan koy Agew na Panagpainawa tan ginawak a masanto.

Exodo 20:11 Iomraidhean Croise

Genesis 1:28

binindisionan to ra, tan inkuantod sikara, “Mamparakel kayoy anak, makmakan yoy intiron mundo, tan oleyan yo. Oleyan yo ray sira, saray manok, tan amin iray ayayep.

Genesis 1:31

Ninengneng na Dios iray pinalsa to, et maung a tuloy iran amin. Linmabas so labi tan sinmabiy kabwasan—sikato ya so kumanem ya agew.

Exodo 31:17

Sakey yan mansiansian tanda na sipanan ed saray Israelita tan siak, lapud siak a Katawan et pinalsak so tawen tan say dalin ed loob na anemiran agew, tan diad kumapiton agew tinmonda ak a nankimey tan nampainawa ak.”

Exodo 8:22

Balet ag ko pibaliy lugar a Gosen a panaayaman na saray totook, pian anggapod may apangat. Gawaen koy onya, pian naamtaan mo a siak a Katawan so panlalapwan na saray nagagawa ed sayan dalin.

Exodo 9:29

Inkuanen Moises ed sikato, “Kapaway kod siudad, iyatagey ko ray limak diad pampikasik ed Katawan. Ontonday karul, tan naandi la ray kristal, pian naamtaan mo a kayaryan na Katawan so mundo.

Isaias 42:10

Mankanta kayoy balon kanta ed Katawan; ikantam so dayew to, o intiron mundo. Idayew yo, sikayon mambiabiahid dayat; idayew yo, amin yon pinalsa a walad dayat! Mankanta kayo, sikayo ran arawin dalin tan amin yon manaayam ditan!

Isaias 48:13

Inlira na limak so pundasion na mundo tan impanat koy katawenan. No tawagen ko ray mundo tan saray katawenan, ondago ran tampol tan iparontal day sikaran dili.

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Saray Gawgawa 20:7

Diad ononan agew na sakey simba, nantitipon kami a manumpal na panagpisag na tinapay. Nampaliwaway Pablo ed saray totoo ya anggad pegley labi, ta onsiput lad kaimbuas.

Saray Gawgawa 4:24

Kadngel dad saya, nankakasakey iran nampikasid Dios: “Katawan, sikay amalsay tawen, dalin, dayat, tan amin a logan da!

Deuteronomio 5:15

Nunot mo ya aripen ka nen saman ed Egipto, tan siak a Katawan a Dios mo et impaway ta kad man diad panamegley na baleg a pakayarik tan biskeg ko. Kanyan igaganggan ta kan ngilinan mo so Agew na Panagpainawa.

Saray Hebreo 4:4

Ta onyay ibabagay sakey a partiy Masanton Sulat, nipaakar ed kumapiton agew: “Diad kumapiton agew, nampainaway Dios ed amin a kimey to.”

Puyan 10:6

tan nansambad ngaray Dios a mabilay ya anggad angga, tan amalsay tawen, dalin, dayat, tan amin a wadyad saraya. Inkuanto may anghil, “Anggapo lay makaabala!