Exodo 20:10 - Maung A Balita Biblia

¹⁰ balet say kumapiton agew et agew na panagpainawa a nisaklang ed siak. Diad sayan agew nepeg ya anggapoy toon mankimey: sika, saray anak mo, saray aripen mo, saray ayayep mo, odino saray sangkailin manaayam ed bansam.

Maung a Balita Biblia

¹⁰ balet say kumapiton agew et agew na panagpainawa a nisaklang ed siak. Diad sayan agew nepeg ya anggapoy toon mankimey: sika, saray anak mo, saray aripen mo, saray ayayep mo, odino saray sangkailin manaayam ed bansam.

Exodo 20:10 Iomraidhean Croise

Nehemias 10:31

No diad Agew na Panagpainawa odino diad arum a masanton agew et mangyakar iray sangkaili na trigo odino antokaman ya ilako rad sikami, ag kami manaliw ed sikara. Kapag kumapiton taon ag mi dalusay dalin mi, tan lingwanan mi la ray amin ya utang ed sikami.

Exodo 16:26

Nepeg a manala kayo na kakanen ed loob na anemiran agew, balet diad kumapiton agew, say agew na panagpainawa, anggapo so naala yon kakanen.”

Exodo 31:13

diad panamegley nen Moises, “Ngilinan yoy Agew a Panagpainawak, lapud sikatoy sakey a tanda ed siak tan sikayo, diad amin a panaon ya onsabi; sikato met so mangipanunot ed sikayo a siak a Katawan et ginawa ta kayon dilin totook.

Exodo 34:21

“Walay anem agew a pakapankimey yo, balet mampainawa kayo no kumapiton agew, anggan panaon na panagbaka odino panagani.

Exodo 35:2

Anem agew a makapankimey kayo, balet masanto so kumapiton agew, sakey a masanton agew na panagpainawa a nisaklang ed siak a Katawan. Siopamay mankimey ed satan ya agew nepeg a pateyen.

Ezekiel 14:7

“Kapag sakey ed saray Israelita odino sakey ed saray sangkailin manaayam ed panaayaman da ray Israelita et ibeneg to ak tan mangigalang ed saray talintaoy diriyos, insan onlan mangipanon ed sakey a propita, sikatoy ebatan ko, siak a Katawan!

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Lucas 23:56

Kasumpal to, sinmempet ira tan angiparaan iray pabalingit tan mira a para samay bangkay. Nen Agew na Panagpainawa, nampainawa ra, onung na ibabagay Ganggan.