Exodo 20:1 - Maung A Balita Biblia

¹ Say Dios nansalita a kuanto:

Maung a Balita Biblia

¹ Say Dios nansalita a kuanto:

Exodo 20:1 Iomraidhean Croise

Nehemias 9:13

Manlapud tawen inmakseb kad Palandey na Sinai, insan kad man akisalitad saray totoo; initdan mo ra na saray maung a ganggan, saray maptek a bangabangat.

Exodo 19:25

Si Moises inmakseb sirin ed saray totoo tan imbaga tod sikara so impaibaga na Katawan.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Saray Gawgawa 7:38

Diad kalawakan sikatoman imay kaiba ed olup da ray Israelita. Sikatoy wadman a kaiba da ray lalaki tayo tan samay anghil ya akitongtong ed sikato, diad Palandey na Sinai. Sikatoy angawat ed Dios na saray salitan manangiter na bilay ya iter to rad sikatayo.

Saray Gawgawa 7:53

Sikayoy angawat na ganggay Dios diad lima da ray anghil, balet ag yo met lamlamang sinumpal!”

Deuteronomio 10:4

Insan say Katawan intatak tod saramay bato iray salitan intatak to la ed saramay inmonan bato, salanti saray Samploran Ganggan ya inter tod sikayo nen akisalitad sikayo manlapud apoy diad samay agew a nantitipon kayod palandey. Inter ed siak na Katawan ira may tapyak a bato,

Deuteronomio 4:33

Wala la kasi ray totoon siansian nambilay a singa sikayo kayariy impakadngel dad dios ya akisalitad sikara manlapud apoy?

Deuteronomio 4:36

Inabuloy ton narengel yo so bosis ton nanlapud tawen pian nabilin to kayo; tan diad tapew na dalin inabuloy ton nanengneng yo so masanton apoy to, tan akisalitad sikayo manlapud saman ya apoy.

Deuteronomio 5:22

“Sikara yay ganggan ya inter ed sikayo na Katawan nen nantitipon kayo ed palandey. Nen nansalitad sikayo diad panamegley na makapanyarin bosis a nanlapud apoy tan nanlapud makapal a lorem, inter to ra yan ganggan tan anggapo lay arum. Insan to ra intatak ed duaran tapiak a bato tan inter to rad siak.

Deuteronomio 5:4

Manlapud apoy diad toktok na palandey say Katawan akisalitan lupa-lupaan ed sikayo.

Deuteronomio 5:6

‘Siak so Katawan a Dios yo ya angipaway ed sikayod Egipto ya akaaripenan yo.