Exodo 2:5 - Maung A Balita Biblia

⁵ Et nibana a say prinsisa ya anak na ari et linmasur ed ilog a manames; balet saray mamarikit a katulong to nanakarakar irad gilig na ilog. Kabebekta anengneng to may baskit ed kawalaay atatagey a dika; ingganggan toy sakey a katulong to a mangalad samay baskit.

Maung a Balita Biblia

⁵ Et nibana a say prinsisa ya anak na ari et linmasur ed ilog a manames; balet saray mamarikit a katulong to nanakarakar irad gilig na ilog. Kabebekta anengneng to may baskit ed kawalaay atatagey a dika; ingganggan toy sakey a katulong to a mangalad samay baskit.

Exodo 2:5 Iomraidhean Croise

1 Saray Arari 17:6

Naniinom ed danum na kolus, tan kabwasan tan labi ya inyaakaran na saray wawak na tinapay tan karni.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Saray Salmo 9:9

Say Katawan so salimbeng da ray napapairap; sikatoy napiregan no panaoy segsegang.

Exodo 2:6

Nilokasan nen prinsisa imay baskit tan anengneng toy sakey ya ogaw a manakakis. Naabagey to tan inkuanto, “Sayan ogaw et anak na sakey ed saray bibiin Hebrea.”

Exodo 7:15

Kanyan laka, ta abet mo no kabwasan no onlad Ilog na Nilo. Awit mo may baston a nagmaliw ya oleg, tan alagar mod gilig na ilog.

Exodo 8:20

Say Katawan kuantod kinen Moises, “Diad kabkabwasan nabwas, laka ta abet moy ari no mamaarap ed ilog, tan ibagam ed sikato a say Katawan kuanto, ‘Abuloyan mon onla la ray totook, pian nigalang da ak.

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Jonas 1:17

Lapud ganggan na Katawan, inakmon na balbaleg a sira si Jonas; nanayam ed dalem na eges na sira si Jonas na taloy agew tan taloy labi.

Jonas 2:10

Insan say Katawan ingganggan to may sira ya iboga tod gilig na dayat si Jonas, et imbugan tua na samay sira si Jonas.

Saray Gawgawa 7:21

Nen nigaton ed paway na abung, tinagibiy biin anak na ari, tan pinabaleg ton singa anak ton dili.