Exodo 2:24 - Maung A Balita Biblia

²⁴ Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Maung a Balita Biblia

²⁴ Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Exodo 2:24 Iomraidhean Croise

Genesis 15:13

Inkuan na Katawan ed sikato, “Magmaliw iran sangkaili ed sakey a bansa iray kabyangay boleg mo; aripenen da rad man tan pairapen da ran apat a lasus a taon.

Genesis 16:11

Mananak kay sakey a laki, tan ingaran mo na Ismael, ta nadngel na Katawan so tagleey mo.

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

Genesis 18:18

Magmaliw a baleg tan makapanyarin bansa iray kabyangay boleg to, tan diad panamegley to bindisionan kon amin iray bansa.

Genesis 22:16

“Sambaan kod dilin ngaran ko—say Katawan so mansasalita—a bindisionan ta ka na amayamay a kaabigan. Lapud ginawam ya, tan ag mo insiblet ed siak so bogbogtung ya anak mo,

Genesis 26:2

Pinmayawar so Katawan ed kinen Isaac tan inkuanto, “Ag ka oonlad Egipto; manayam kad pasen ya ibagak ed sika.

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Genesis 26:3

Dia ka la manayam; ibaan ta ka tan bindisionan ta ka. Iter ko yan amin a pasen ed sika tan saray kabyangay boleg mo. Tooren koy insipan kod kinen Abraham ya amam.

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Genesis 35:11

Insan inkuan na Dios ed sikato, “Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari.

Genesis 35:12

Iter kod sikay dalin ya inter kod kindi Abraham tan Isaac, tan iter ko met ed saray kabyangay boleg mo no andi ka lad bilay.”

Genesis 8:1

Ag alingwanan na Dios si Noe tan amin ya ayep a kaiba tod dalem na biong; pinasiplug na Dios so dagem, et ginmapon inmabebay danum.

2 Saray Arari 13:23

balet mapangasi tan maabagey so Katawan ed sikara. Ag to inyabuloy a naderal ira, no ag ingen tinulongan to ra, lapud impisipanan tod kindi Abraham, Isaac, tan Jacob. Ag to nilingwanan iray totoo to.

Saray Salmo 102:2

Ag mo ak pa iyaarawian no wala ak ed gunigon! Dengel ka pad siak, tan ebatan mo ak pan tampol no ontawag ak!

Saray Salmo 102:20

Nadngel toy tagleey da ray priso, tan imbolus to ray asintinsiaan ya ompatey.

Saray Salmo 105:42

Anunotan toy masanton sipan to ed kinen Abraham ya aripen to.

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Saray Salmo 138:3

Inebatan mo ak nen tinmawag ak ed sika; pinabiskeg mo ak na pakayarim.

Saray Salmo 22:24

Say Katawan, ag to papaolyan iray mairap-bilay, tan ag to lilingwanan so kairapan da; ag to met ira bebenegan, no ag ingen eebatan to ra no onkekerew iray tulong.”

Saray Salmo 22:5

Kinmerew iray tulong ed sika et nipaliis irad kaatapan; nanmatalekan da ka, et ag ira abaingan.

Saray Salmo 79:11

Dengel mo pay panay-ay da ray priso tan lapud baleg a pakayarim ibolus mo pa ray asintinsiaan lan ompatey.

Exodo 6:5

Natan nadngel koy panngesnges na saray Israelita ya aaripenen na saray Egipsio, tan anunotan koy impisipanan ko.

Saray Bilang 20:16

Kanyan kinmerew kami na tulong ed Katawan. Dinengel toy intawag mi, kanyan angibaki na anghil ya angipaway ed sikami manlapud Egipto. Wadya kami natan ed Cades, say baley a miketeg ed nasasakopan mon dalin.

Saray Gawgawa 7:34

Anengneng koy paniirap da ray totook ed Egipto. Nadngel koy pannangis da, kanyan linmeksab ak a mangilaban ed sikara. Gala, ta ibaki ta kad Egipto!’

Saray Huis 2:18

Kapag say Katawan et mangiter ed Israel na pangulo, say Katawan tulongan to yan pangulo tan iyagel to ray totoo to ed saray kalaban da legan a mabilay yan pangulo. Kinasian ira na Katawan lapud manngesnges irad kairapan da, ta pinapasegsegang da ra.

1 Samuel 9:16

“Nabwas, sakey ya onyan oras, ibakik ed sikay sakey a lakin kabyangay tribu nen Benjamin; lanaan mo ta sikatoy manoley ed saray totook ya Israelita, tan iyagel to rad saray Filisteo. Anengneng koy kairapan da ray totook, tan nadngel koy ikekerew dad siak na tulong.”