Exodo 19:8 - Maung A Balita Biblia

⁸ Insan amin a katoowan nambabansag iran inmebat, “Gawaen miy amin ya imbaga na Katawan.” Si Moises imbaga to ya ed Katawan.

Maung a Balita Biblia

⁸ Insan amin a katoowan nambabansag iran inmebat, Gawaen miy amin ya imbaga na Katawan. Si Moises imbaga to ya ed Katawan.

Exodo 19:8 Iomraidhean Croise

Nehemias 10:29

et mikakasakey kamid saray pangulo mi diad pansamba mi a mambilay kami onung ed Ganggan na Dios, ya inter to ed panamegley na aripen ton si Moises tan nadusa kami no ag mi sumpalen; ya onuren min amin so ingganggan ed sikami na Katawan, say Katawan mi; a toluken mi ray amin a bilin tan totontonen to.

Exodo 20:19

Inkuandad kinen Moises, “No mansalita kad sikami, ondengel kami; balet ag mo pansasalitaen ed sikami so Dios, ta ompan ompatey kami.”

Exodo 24:3

Linmay Moises ed saray totoo tan sinalita tod sikaray amin ya ingganggan tan imbilin na Katawan, et amin da ray totoo nankakasakey iran inmebat, “Gawaen mi ray amin ya imbaga na Katawan.”

Exodo 24:7

Insan to inala so libro na sipanan, tan maksil ton imbasa ed saray totoo. Inkuanda, “Onuren mi so Katawan tan gawaen mi ray amin ya ingganggan to!”

Exodo 4:31

Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Josue 24:21

Saramay totoo kuandad kinen Josue, “Andi! Say Katawan so panlingkuran mi.”

Josue 24:24

Inkuan sirin na saray totoo ed kinen Josue, “Manlingkur kamid Katawan a Dios tayo. Onuren mi ray ganggan to.”