Exodo 19:5 - Maung A Balita Biblia

⁵ Natan, no onuren yo ak tan sumpalen yoy impisipanan ko, magmaliw kayon dilin totook. Kayaryan koy sankamundoan, balet magmaliw kayon pinilik a totook.

Maung a Balita Biblia

⁵ Natan, no onuren yo ak tan sumpalen yoy impisipanan ko, magmaliw kayon dilin totook. Kayaryan koy sankamundoan, balet magmaliw kayon pinilik a totook.

Exodo 19:5 Iomraidhean Croise

Genesis 17:9

Inkuan ni na Dios ed kinen Abraham, “Nakaukolan a tooren yo met so impisipanan kod sikayo, sika tan saray kabyangay boleg mo diad arapen a panaon.

1 Saray Arari 8:53

Ta pinilim irad saray katoowan ed intiron mundo, pian magmaliw iran dilin totoom, onung na imbagam ed panamegley nen Moises ya aripen mo nen impaway mod Egipto iray lalaki mi.”

1 Saray Awaran 17:22

Ginawam ya andi-anggaan a totoom so Israel tan sika, Katawan, so nagmaliw a Dios da.

Say Libro nen Job 41:11

Siopay ondogpad sikato ya ag narisgo? Anggapoy anggan sakey diad intiron mundo.

Say Libro nen Job 41:3

Kerewen tod sika ya ibolus mo? Kerewen tod sikan kasian mo?

Saray Salmo 135:4

Pinili ton para sikaton dili si Jacob, saray totood Israel.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Saray Salmo 25:10

Katekep na aro tan katooran so pangiwawanwan tod saray manusumpal na impisipanan to tan saray ganggan to.

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Exodo 23:22

Balet no onuren yo tan sumpalen yo ray amin ya ingganggan ko, siak so mibakal ed saray amin a kalaban yo.

Exodo 24:7

Insan to inala so libro na sipanan, tan maksil ton imbasa ed saray totoo. Inkuanda, “Onuren mi so Katawan tan gawaen mi ray amin ya ingganggan to!”

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Exodo 8:22

Balet ag ko pibaliy lugar a Gosen a panaayaman na saray totook, pian anggapod may apangat. Gawaen koy onya, pian naamtaan mo a siak a Katawan so panlalapwan na saray nagagawa ed sayan dalin.

Exodo 9:29

Inkuanen Moises ed sikato, “Kapaway kod siudad, iyatagey ko ray limak diad pampikasik ed Katawan. Ontonday karul, tan naandi la ray kristal, pian naamtaan mo a kayaryan na Katawan so mundo.

Kanta nen Solomon 8:12

Solomon, kayaryan mo la tay sanlibon pilak a kuarta, tan saray dumaralus kayaryan da lay duanlasus a pilak a kuarta. Wala met so kayaryan kon dili a kaubasan.

Isaias 1:19

No onuren yo ak, kanen yo ray maabig a bengatlan bungay dalin.

Isaias 41:8

“Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Isaias 56:4

Say Katawan kuantod satan a too, “No ngilinan moy Agew na Panagpainawa tan gawaen moy makapaliket ed siak tan matoor mon sumpalen so impisipanan ko,

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Jeremias 13:11

Kanyan no panoy kaelet ed awak yan potut a pantalon, ontan met so kaelet a labay kon nepeg ya ipeket ed siak na amin a totood Israel tan Juda. Onyay ginawak pian magmaliw iran totook, tan mangiter iray dayew tan galang ed ngaran ko; balet ag da ak inonur.”

Jeremias 7:23

Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Ezekiel 16:8

“Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko.” Sikato yay imbaga na Katawan a Dios.

Levitico 20:24

Balet insipan kon kayaryanen yo man a mataba tan mayaman a dalin, kanyan iter kod sikayo. Siak so Katawan a Dios, tan siak so angibiig ed sikayo ed saray arum a bansa.

Amos 3:2

“Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.”

Amos 6:1

Pangaskasiyan so kipapasen yo, sikayon mainomay so pambibilay yod Sion tan sikayon taga Samaria ya abaloan yon arawi kayod kaatapan—sikayon totoon matalona ed sayan bansan Israel a dadagoen a kerewan na tulong na saray arum a totoo!

Malakias 3:17

“Sikaray magmaliw a totook,” kuay Katawan a Makapanyarin-amin. “Diad agew a siak so onggalaw, sikaray magmaliw a petepeteg kon kayaryan. Kasian ko ra a singa pangakasi na ama ed anak ton laki a manlilingkur ed sikato.

1 CORINTO 10:26

Ta ibabagay Masanton Sulat, “Kayaryan na Katawan so mundo tan amin a logan to.”

1 CORINTO 10:28

Balet no walay mangikuan ed sikayo, “Imbagat yad saray talintaoy diriyos,” ag yo kakanen, makasengeg ed samay angipaamtad sikayo tan say konsinsia;

Deuteronomio 10:14

Kayaryan na Katawan so anggan saray sankatageyan a katawenan; kayaryan to met so mundo, tan amin a logan to.

Deuteronomio 11:27

bindision no onuren yo ray ganggan na Katawan a Dios yo a iiter ko rad sikayo natan;

Deuteronomio 14:2

Kayaryan kayo na Katawan a Dios yo; pinili to kayon dilin totoo to diad saray amin a totood tapew na dalin.

Deuteronomio 14:21

“Ag yo kakanen so antokaman ya ayep ya inatey a bukor. Nayarin ipakan yod saray sangkailin manaayam ed kawalaan yo, odino ilako yo ed arum iran sangkaili. Balet kayaryan kayo na Katawan a Dios yo; sikayo ray totoo to. “Ag yo ilolotod gatas na ina to so kordiro odino kilaw na kanding.

Deuteronomio 26:18

Natad sayan agew say Katawan inawat to kayo a dilin totoo to onung na insipan to; tan ingganggan to kayon onuren yo ray amin a ganggan to.

Deuteronomio 26:19

Pagmaliwen to kayon matalonggaring nen saray arum a bansa ya inletneg to, tan sikayoy mangiter na dayew tan kagalangan ed ngaran to. Sikayoy magmaliw a dilin totoo to onung na insipan to.”

Deuteronomio 28:1

“No onuren yo so Katawan a Dios tan matoor yon sumpalen iray ganggan to ya iiter kod sikayo natad sayan agew, pagmaliwen to kayon matalonggaring nen saray arum a bansa ed tapew na dalin.

Deuteronomio 28:9

“No onuren yoy Katawan a Dios yo tan sumpalen yo ray amin a ganggan to, pagmaliwen to kayon dilin totoo to, onung na insipan to.

Deuteronomio 4:20

Balet sikayo ray totoon inyagel tod Egipto ya aliling toy manliub a palbaan. Impaway to kayod man pian pagmaliwen to kayon dilin totoo to a sikatoy kipapasen yo natan.

Deuteronomio 5:2

Diad Palandey na Sinai akisipanan so Katawan a Dios tayo,

Deuteronomio 7:6

Gawa yo ra ya, ta kayaryan kayo na Katawan a Dios yo. Diad amin da ray totood tapew na dalin pinili to kayon dili a nidoma-doman totoo to.

Deuteronomio 9:29

Say katwaan to, sikaray totoon pinilim a kayaryan tan impaway mo rad Egipto diad panamegley na baleg a biskeg tan pakayarim.’

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Saray Hebreo 11:8

Lapud pananisia, inmonur si Abraham nen say Dios et tinawag ton onlad bansa ya insipan ton iter ed sikato. Tinaynan toy nianakan ton dalin, anggaman ya ag to amtay laen to.

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

Josue 24:24

Inkuan sirin na saray totoo ed kinen Josue, “Manlingkur kamid Katawan a Dios tayo. Onuren mi ray ganggan to.”

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

1 Samuel 15:22

Inkuanen Samuel, “Antoy lalon labay na Katawan: say pangonur, odino saray saklang tan saray bagat? Maung niy ononur ed sikato nen say mangibagat ed sikato na saray sankaabigan a karniro.