Exodo 19:18 - Maung A Balita Biblia

¹⁸ Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

Maung a Balita Biblia

¹⁸ Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

Exodo 19:18 Iomraidhean Croise

Genesis 11:5

Inmakseb so Katawan, ta nengnengen toy siudad tan say tori ya impaalagey na saraman a totoo,

Genesis 15:17

Nen sinmelek lay agew tan ambilonget la, biglan walay banga a manasasewek tan kiew a mandarlang a dinmalan ed nanleetan na saramay pinalduan laman na ayayep.

Genesis 19:28

Inosdungan to ray siudad na Sodoma tan Gomorra tan samay intiron patar, et anengneng ton manlalapud man so asewek, a singa asewek a manlalapud baleg ya ornowan.

Nehemias 9:13

Manlapud tawen inmakseb kad Palandey na Sinai, insan kad man akisalitad saray totoo; initdan mo ra na saray maung a ganggan, saray maptek a bangabangat.

Saray Salmo 104:32

Onnenengneng ed dalin so Katawan, et onggigiwgiw; didiwiten to ray kapalandeyan, et onaasewek ira.

Saray Salmo 114:4

Linmulukson singa kanding iray kapalandeyan; kinmokogtut a singa kordiro iray kapokdulan.

Saray Salmo 114:7

Giwgiw ka, O sankamundoan, diad isabiy Katawan, diad arap na Dios nen Jacob,

Saray Salmo 144:5

Katawan, ilokyas mo pay tawen tan lasur ka; diwit mo ray kapalandeyan, et onasewek ira.

Saray Salmo 18:9

Inlokyab toy tawen insan inmakseb; walay makapal a lorem ed silong na saray dapan to.

Saray Salmo 68:9

Pinaoran moy maksil, tan pinatabam lamet so kinmelang lan dalin mo;

Saray Salmo 77:18

Tinmolin-tolin so dalagurog na karul mo, tan niliwawaan na kirmat so intiron mundo; ayakayak tan ayegyeg so dalin.

Saray Salmo 77:19

Nanakar kad saray daluyon; binaliw moy aralem a dayat, balet ag nanengneng iray bakat na salim.

Exodo 19:13

nepeg ya anggapoy maniwit ed laman to, tan nepeg a tupaken odino panaen. Say kipaakaran to yan bilin et saray totoo tan saray ayayep; nepeg iran pateyen no nadiwit da. Balet no tinmanul lay trumpita, nepeg ya onkalab ed palandey iray totoo.”

Exodo 19:17

Si Moises inwanwan to ran impaway ed kampo ta abeten day Dios, tan nanalagey irad alusadsar na palandey.

Exodo 20:18

Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Exodo 3:2

Diman pinmanengneng ed sikato so anghil na Katawan ed nengneng na apoy a manlalapud pegley na sakey ya abeban kiew; anengneng nen Moises a mandarlang imay kiew, balet ag napopoolan.

Exodo 34:2

Mamparaan ka nabwas na kabwasan, kalab kad Palandey na Sinai, tan bana mo ak dimad tagey to.

Isaias 6:4

Niyegyeg na saray bosis da so pundasion na Timplo, tan napno na asewek so dilin Timplo.

Isaias 64:1

Akin et ag mo gaygayen so tawen, insan ka onlasur? Nanengneng ka na kapalandeyan tan onyegyeg irad takot da.

Jeremias 4:24

Binantag ko ray kapalandeyan—nayeyegyeg ira, tan saray kapokdulan mambabayes ira.

Habacuc 3:6

No sikatoy ontonda, nayegyeg so mundo; diad ilinggis to onggiwgiw iray bansa. Abuybuyak iray andi-anggaan a kapalandeyan; linmereg iray ag manganggan kapokdulan, saray kapokdulan a nanaakaran to ra nen saman.

Zacarias 14:5

No ombatik kayo ondalan kayod sayan patar ya onsabid palandey ya anggad biek a dapag. Ombatik kayo a singa ginawa na saray lalaki yo nen agawa so yegyeg diad samay panaon nen Ari Uzias na Juda. Onsabi so Katawan a Dios ko, a kaiba to ray amin ya anghil.

Mateo 24:7

Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Deuteronomio 33:2

Say Katawan nanlapud Palandey na Sinai; inmatagey a singa agew ed tagey na Edom tan sinminag ed saray totoo to manlapud Palandey na Paran. Kaiba to ray samplon libon anghil manliub ya apoy so walad nikawanan to.

Deuteronomio 4:36

Inabuloy ton narengel yo so bosis ton nanlapud tawen pian nabilin to kayo; tan diad tapew na dalin inabuloy ton nanengneng yo so masanton apoy to, tan akisalitad sikayo manlapud saman ya apoy.

Deuteronomio 5:22

“Sikara yay ganggan ya inter ed sikayo na Katawan nen nantitipon kayo ed palandey. Nen nansalitad sikayo diad panamegley na makapanyarin bosis a nanlapud apoy tan nanlapud makapal a lorem, inter to ra yan ganggan tan anggapo lay arum. Insan to ra intatak ed duaran tapiak a bato tan inter to rad siak.

Deuteronomio 5:4

Manlapud apoy diad toktok na palandey say Katawan akisalitan lupa-lupaan ed sikayo.

2 TESALONICA 1:7

Sikayo ran mantetepel na kairapan, kaiba mi kayon naitday inawa, diad isabiy Katawan tayon Jesus a manlapud tawen tan kaiba to ray makapanyarin anghil to.

2 TESALONICA 1:8

Onsabin kaibay manliub ya apoy tan dusaen to ray ag makapikabat ed Dios tan saray ag ontoluk ed Maung a Balitan nipaakar ed Katawan tayon Jesus.

Saray Hebreo 12:18

Ag kayo inmasingger, a singa inyasingger na saray Israelita nen saman, ed sakey a palandey a nayarin diwiten—diad Palandey na Sinai a kawalaay manliub ya apoy, bilonget tan ermen, maksil a dagem,

Saray Hebreo 12:26

Diad saman a panaon, niyegyeg na bosis toy dalin, balet insipan to natan, “Maminsan nin yegyegen ko, tan aliwa labat a say dalin no ag pati say tawen.”

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.

Puyan 15:8

Say timplo napno na asewek a nanlapud kagalangan tan pakayariy Dios, tan anggapoy makaloob ed timplo, anggad kasumpal na pitoran salot ya inawit da ra may pitoran anghil.

Puyan 9:2

Nilokasan na bitewen imay abut, tan pinmaway so asewek a singa manlalapud baleg ya ornowan. Kanyan binmilonget so liwaway agew tan say dagem lapud samay asewek.

Saray Huis 5:5

Saray kapalandeyan ayegyeg ira ed arap na Katawan na Sinai, diad arap na Katawan a Dios na Israel.