Exodo 18:7 - Maung A Balita Biblia

⁷ kanyan pinmaway si Moises tan inabet to, dinmakmomod arap to, insan to inanguban. Nantepetan ira no antoy kipapasen na bilay na balang sakey ed sikaran dua, insan linmoob ed tulda nen Moises si Jetro.

Maung a Balita Biblia

⁷ kanyan pinmaway si Moises tan inabet to, dinmakmomod arap to, insan to inanguban. Nantepetan ira no antoy kipapasen na bilay na balang sakey ed sikaran dua, insan linmoob ed tulda nen Moises si Jetro.

Exodo 18:7 Iomraidhean Croise

Genesis 14:17

Nen pinmawil si Abram, kayari ton tinalo si Kedorlaomer tan saramay arum ya arari, inabet na ari na Sodoma diad Patar na Save (tatawagen met na Patar na Ari).

Genesis 18:2

tinmangwa, et anengneng toy taloran totoo a manalalagey irad ag arawin pasen. Binatik to ran tampol ya inabet, insan dinmakmomo ya anggad dalin so lupa to.

Genesis 19:1

Nen sinmabid saman a labi ed Sodoma ira may duaran anghil, manyodyorung si Lot ed puirtay siudad. Kanengneng tod sikara, inmalagey tan inabet to ra. Dinmakmomo ya anggad dalin so lupa to

Genesis 29:13

Nen nadngel nen Laban so balitan nipaakar ed kinen kaanakan ton Jacob, binatik ton inabet, nilakap to tan inanguban to, insan to intagar ed abung to. Nen imbaga nen Jacob so amin ya agawa,

Genesis 31:28

Ag mo anggan impaanguban iray apok tan saray anak ko kasakbay dan inmalis. Makapoy man a ginawam!

Genesis 43:26

Nen sinmabiy Jose, inyakar dad sikato ra may rigalo ra, tan dinmakmomo ra ed arap to ya anggad dalin so lupa ra.

Genesis 45:15

Manakakis ni nen nilalakap tan inaanguban ton sansakey iray agagi to. Kasumpal to ya, akitongtong ed sikato ray agagi to.

Genesis 46:29

linmogan si Jose ed karwahi to, insan linmad Gosen a mangabet ed kinen ama to. Kaasingger to, nilakap to, tan abayag a nanakis.

2 Samuel 11:7

Nen sinmabiy Urias, tinepet nen David ed sikato no maung kasiy kipapasen nen Joab tan saray sondalo, tan no antoy nagagawad bakal.

1 Saray Arari 2:19

Kanyan linmay Bat-seba ed ari, ta isalitaan toy Adonias. Inmalagey so ari a pangilugay tod ina to, insan tinmuek ya angigalang. Inmirung ed trono to tan amaiyan na yorungan ed nikawanan to tan inirungan nen ina to.

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Exodo 18:6

Impaona to lan impaibagad kinen Moises ya onsabi ra,

Exodo 33:7

Kapag ilira na saray Israelita so kampo, si Moises alaen to may masanton Tulda tan ipaalagey to ed paway na kampo diad arawdawiy daiset. Tinawag to na Tuldan Ayamay Katawan, tan siopamay toon labay toy mangipanon ed Katawan, ompaway ya onlad Tulda.

Exodo 4:27

Legan da ra yan nagagawa, say Katawan inkuantod kinen Aaron, “Abet moy Moises diad kalawakan.” Linma sirin si Aaron ed masanton palandey, et nen akapanabet ira, inanguban to.

Saray Bilang 22:36

Nen nadngelan nen Balak ya onsasabi lay Balaam, nila ton inabet ed Ar, sakey a siudad a walad gilig na Ilog na Arnon diad ketegan na Moab.

Lucas 7:45

Ag mo ak inanguban, balet ag to tinondaan ya inangub-anguban iray salik nanlapud insabik dia.

Saray Gawgawa 20:37

Manakakis iran amin a linmalakap tan inmaangub ed kinen Pablo.

Saray Gawgawa 28:15

Abalitaan na saray agagid Roma so nipaakar ed sikami, kanyan linma ran mangabet ed sikami diad Tindaan nen Apio tan diad Taloran Tabirna. Nen anengneng ira nen Pablo, akisalamat ed Dios, tan binmiskeg so linawa to.

Saray Huis 11:34

Nen pinmawil si Jefte ed abung tod Mizpa, wadmay biin anak to ya ompapaway ed abung, ta onabet ed sikato. Onsasayaw tan manotogtog na tamborin. Saksakey yan anak to.

1 Samuel 17:18

Awit mo met ira yay samploran kiso a para samay panguloy sanlibon sondalo. Nengneng mo no antoy kipapasen da ra may kuyam, tan mangawit ka diay bengatlan pakapatnagan ya anengneng mo ra tan maung so kipapasen da.

1 Samuel 17:22

Intilak nen David ed opisyal a managasikasoy abasto so awit to, linmad saray nandarasig a sondalon mibakal, dinago to ray kuya to, tan tinepet toy kipapasen da.