Exodo 18:20 - Maung A Balita Biblia

²⁰ Nepeg mon ibangat ed sikara iray ganggan na Dios tan ipaliwawam ed sikara no panoy pambilay da tan no antoy nepeg dan gawaen.

Maung a Balita Biblia

²⁰ Nepeg mon ibangat ed sikara iray ganggan na Dios tan ipaliwawam ed sikara no panoy pambilay da tan no antoy nepeg dan gawaen.

Exodo 18:20 Iomraidhean Croise

Saray Salmo 143:8

Ipanunot mo pad siak kapag kabwasan so ag mangoman a panangarom, ta manmamatalek ak ed sika. Itorom pad siak so dalan a nepeg kon laen, ta mikakasi ak ed sika.

Saray Salmo 32:8

Kuay Katawan, “Iwanwan ta kad dalan a nepeg mon tombuken; ibangat tan simbawaan ta ka.

Exodo 18:16

No walay duaran toon nankolkol, ondago rad siak tan ibagak no siopay walad katonungan. Ibabagak ed sikara iray ganggan tan saray bilin na Dios.”

Isaias 30:21

No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”

Jeremias 42:3

Pikasim pa a say Katawan a Dios tayo et ipanengneng tod sikami so nepeg min laen tan gawaen.”

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Ezekiel 3:17

Inkuanto, “Sika a toon ompatey, gawaen ta ka a managbantay ed bansa na Israel. Ipasabim ed sikara iray pasakbay ya ibabagak ed sika.

Mikias 4:2

et ikuan na saray katoowan da, “Onkalab tayod palandey na Katawan, diad Timplo na Dios na Israel. Ta ibangat tod sikatayo so labay ton pagawad sikatayo; manakar itayod saray dalan a pinili to. Ta manlalapud Jerusalem so bangat na Katawan; manlapud Sion say Katawan mansasalitad saray totoo to.”

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Marcos 13:34

Miolibay ya ed sakey a toon mambiahi ed arawin pasen. Ipaasikaso toy abung to ed saray aripen to. Itdan toy balang sakey na kimey tan bilinen toy bantay ed puirta a manalagar lawas ed isabi to.

Deuteronomio 1:18

Ontan met, diad saman a panaon binilin ta kayo no anto ray nepeg a gawaen yo.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Deuteronomio 5:1

Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Deuteronomio 5:27

Pawil ka, Moises, ta dengel moy amin ya ibaga na Katawan a Dios tayo. Insan ka ompawil dia, ta ibagam ed sikami so imbaga to. Ondengel tan ononur kami.’

Deuteronomio 7:11

Natan sirin, onur yo ray nibangat ed sikayo; sumpal yo ray amin a ganggan ya inter kod sikayo ed sayan agew.

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.