Exodo 18:12 - Maung A Balita Biblia

¹² Insan si Jetro angisaklang na bagat a popoolan tan saray arum a bagat ed Dios; et si Aaron tan amin a pangulo na Israel et akila rad sikato ya angan na masanton panangan a pamagalang dad Dios.

Maung a Balita Biblia

¹² Insan si Jetro angisaklang na bagat a popoolan tan saray arum a bagat ed Dios; et si Aaron tan amin a pangulo na Israel et akila rad sikato ya angan na masanton panangan a pamagalang dad Dios.

Exodo 18:12 Iomraidhean Croise

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 26:25

Nanggaway altar diman si Isaac tan inggalang toy Katawan. Nankampod man, insan nankotkot lamet na bobun iray aripen to.

Genesis 26:30

Imparaanan ira nen Isaac na ponsia; angan tan inminom ira.

Genesis 31:54

Amatey na sakey ya ayep tan imbagat tod man ed palandey, insan to inimbitaan a mangan iray totoo to. Kasumpal dan angan, pinalabas day labi diad saman a palandey.

Genesis 4:4

Insan angyakar met si Abel na kordiron besag na sakey ed saray karniro to, pinatas to, tan imbagat to ray sankaabigan a parti. Akaliket so Dios ed kinen Abel tan samay bagat to,

Genesis 43:25

Imparaan da ra may rigalon iter dad kinen Jose no onsabid kaagewan, ta nibagad sikaran mirongo rad sikato.

Genesis 8:20

Nanggaway Noe na altar a para Katawan; angalay sakey ed balang klasi na saray manok tan saray ayayep a malinis onung ed ganggan tan insaklang to ran bagat a popoolan ed altar.

2 Samuel 9:7

“Ag ka natatakot,” ebat nen David. “Kasian ta ka makasengeg ed kinen amam a Jonatan. Ipawil kod sikay amin a dalin a kayaryan nen lakim a Saul, tan mangan ka lawas ed lamisaan ko.”

2 Saray Awaran 30:22

Intanduro nen Ezekias ira may Levita lapud kamaungan dan angipangulo ed impangigalang ed Katawan. Kayariy pitoy agew na impangisasaklang day bagat a para kareenan tan say impangiiter day pisasalamat ed Katawan a Dios na saray lalaki ra,

Say Libro nen Job 1:5

Kapag nasumpal so ponsia, ombangon a masaksakbay ed ontombuk a kabwasan si Job tan mangisaklang na saray bagat a popoolan a panlinis ed saray anak to, onung ed ganggan. Lawas to yan gagawaen lapud iisipen to ya ompan sakey ed saray anak to so nankasalanan diad ag to ginagalan impansalita sumpad Dios.

Say Libro nen Job 42:11

Amin ya agagi nen Job a lalaki tan bibii tan saray gendat a kakaaro to binisita ra tan akiliket irad sikato ed abung to. Impanengneng day pidadamay da tan nililigliwa ra ed saray gunigon tan kairapan ya inter na Katawan ed sikato. Angiter so balang sakey ed sikara na kuarta tan sakey a balituk a singsing.

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Exodo 18:13

Diad kaimbwasan to man ya agew si Moises inaarigloan to ray kolkolan day totoo, tan ag akatonda manlapud kabwasan ya anggad labi.

Exodo 2:16

nitan la ray pitoran bibii ya anak nen Jetro a pari na Madian, ta onasul iray danum ya iyan dad saray atotung ya inoman na saray karniro tan saray kanding na ama ra.

Exodo 2:20

Tinepet nen ama ra, “Iner so kawalaan to tan a too? Akin et tinaynan yo? Tawag yo tan bagaan yon mangan dia.”

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Exodo 24:11

Ag pinasakitan na Dios ira yan lalakin pangulo na Israel; anengneng day Dios, insan nantitipon iran angan tan inminom.

Exodo 24:5

Insan angibaki na saray tobun-balon lalaki tan angisaklang irad Katawan na saray bagat a popoolan tan pigaran baka a bagat a para kareenan.

Exodo 3:1

Aminsan ya agew, nen si Moises et mampapastol na saray ayep na katolangan ton Jetro a pari na Madian, imbeltang tod kalawakan iray ayep tan akasabid Sinai, say masanton palandey.

Exodo 33:7

Kapag ilira na saray Israelita so kampo, si Moises alaen to may masanton Tulda tan ipaalagey to ed paway na kampo diad arawdawiy daiset. Tinawag to na Tuldan Ayamay Katawan, tan siopamay toon labay toy mangipanon ed Katawan, ompaway ya onlad Tulda.

Daniel 10:3

Ag ak angan na antokaman a mananam a kakanen odino antokaman a karni; ag ak inminom na dinanman ya alak, tan ag ko sinagaysay so buek ko ya anggad kalabas na taloy simba.

Saray Bilang 10:29

Si Moises kuantod kinen bayaw ton si Hobab a lakin anak nen Jetro a taga Madian, “Ngalngali kami la ompikal ya onlad dalin ya imbagay Katawan ya iter tod sikami. Insipan ton paaligwasen so Israel, kanyan mila kad sikami, et pinabangen mi kad aligwas mi.”

Lucas 14:1

Aminsan ya Agew na Panagpainawa, linmay Jesus a mangan ed abung na sakey ed saray manonan Pariseo. Siniim a maung na saray totoo si Jesus.

Lucas 14:15

Nadngel ya na sakey ed saramay akarongod lamisaan, kanyan inkuantod kinen Jesus, “Maliket so toon makapirongod lamisaan ed Panariay Dios!”

1 CORINTO 10:18

Imano yo pa ray Israelita: ag ta minanabang ed panlilingkur ed Dios diad altar iray mangakay imbagat?

1 CORINTO 10:21

Ag yo nayariay oninom ed kupay Katawan tan diad kupa da ray dimonyo. Ag yo nayariay ondongod lamisaay Katawan tan diad lamisaan da ray dimonyo.

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

Deuteronomio 12:7

Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

Deuteronomio 27:7

tan diman kayo mangisaklang tan mangan na saray bagat a para kareenan, tan manliket kayod arap na Katawan a Dios yo.