Exodo 17:7 - Maung A Balita Biblia

⁷ Samay pasen et atawag na Masa tan Meriba, lapud nanriklamo ray Israelita tan sinubok day Katawan nen tinepet da, “Walad sikatayo so Katawan odino andi?”

Maung a Balita Biblia

⁷ Samay pasen et atawag na Masa tan Meriba, lapud nanriklamo ray Israelita tan sinubok day Katawan nen tinepet da, Walad sikatayo so Katawan odino andi?

Exodo 17:7 Iomraidhean Croise

Saray Salmo 106:32

Impanpasnuk na saray totoo so Katawan diad saray sobul na Meriba, kanyan nanirap si Moises lapud sikara.

Saray Salmo 78:18

Ginagala ran sinubok so Dios, diad impankerew day kakanen a labay da.

Saray Salmo 81:7

Tinmawag kayod siak nen nagugunigon kayo, et inlaban ta kayo. Manlapud panaamutan kod bagyo inebatan ta kayo. Diad saray sobul na Meriba, sinubok ta kayo.

Saray Salmo 81:8

Sikayo ran totook, dengel yoy pamapasakbay ko; O Israel, agaylay pampipirawat kon ondengel kayod siak!

Saray Salmo 95:8

“Ag yo papaawetey olo yo, a singa saray lalaki yo nen wala rad Meriba, a singa sikara nen samay agew a wala rad kalawakay Masa.

Exodo 17:2

Nanriklamo ra sirin ed kinen Moises tan kuanda, “Itdan mo kamiy danum ya inomen.” Inmebat si Moises, “Akin et manririklamo kayod siak? Akin et susuboken yoy Katawan?”

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Saray Bilang 20:13

Agawa ya ed dalin na Meriba a diay nanriklamoan na saray Israelita sumpad Katawan tan diay angipanengnengan to a sikatoy masanto.

Saray Bilang 20:24

“Ag makaloob si Aaron ed dalin ya insipan kon iter ed Israel; ompatey la lapud sinumlang yon dua so ganggan ko dimad Meriba.

Saray Bilang 27:14

lapud sinumlang yon dua so ganggan ko diad kalawakan na Zin. Nen nanriklamon amin iray Israelita sumpad siak diad Meriba, ag yo binirbir so masanton pakayarik ed arap da.” (Say Meriba et sikatoy sobul dimad Cades diad kalawakan na Zin).

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Deuteronomio 33:8

Nipaakar ed tribu nen Levi inkuanto: “O Katawan, ipaamtam pay linawam diad panamegley na Urim tan Tummim Diad panamegley na saray matoor ya aripen mon Levita; Sinubok mo ra ed dalin na Masa Tan apaneknekan mon matua ra diad danum ed Meriba.

Deuteronomio 6:16

“Ag yo susuboken so Katawan a Dios yo a singa ginawa yod sikato diad Masa.

Deuteronomio 9:22

“Impanpasnuk yo met so Katawan a Dios yo nen wala kayod Tabera, Masa, tan Kibrot-hattava.

Josue 22:31

Si Finees a lakin anak nen Eleazar a pari kuantod sikara, “Natan amta mi a kaiba tayo so Katawan. Ag kayo sinmumpad sikato, kanyan inyagel yod pananusay Katawan iray totood Israel.”