Exodo 17:3 - Maung A Balita Biblia

³ Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Maung a Balita Biblia

³ Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?

Exodo 17:3 Iomraidhean Croise

Nehemias 9:15

“Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Nehemias 9:20

Lapud kaabigan mo imbagam, so nepeg dan gawaen; initdan mo ray mana a kanen da, tan danum ya inomen da.

Saray Salmo 107:5

Naeras-erasan tan naap-apgaan ira, kanyan nakalan iray ilalo.

Exodo 12:38

Dakerakel ya arum a totoo tan amayamay a karniro, kanding, tan baka so akilad sikara.

Exodo 14:11

Inkuandad kinen Moises, “Anggapo ta ray lobuk dimad Egipto? Inawit mo kami dian ompatey ed kalawakan? Nengneng moy ginawam ed impangipaway mod sikamid Egipto!

Exodo 15:24

Nanriklamod kinen Moises iray totoo tan tinepet da, “Antoy inomen tayo?”

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Saray Bilang 20:4

Akin et inyakar yo kami diad sayan kalawakan? Labay yo ya ompatey kami dia tan saray ayayep mi?