Exodo 17:14 - Maung A Balita Biblia

¹⁴ Insan say Katawan kuantod kinen Moises, “Isulat mo yan impanalo, pian ag nalingwanan. Ibagam ed kinen Josue a sigput kon deralen iray Amalecita.”

Maung a Balita Biblia

¹⁴ Insan say Katawan kuantod kinen Moises, Isulat mo yan impanalo, pian ag nalingwanan. Ibagam ed kinen Josue a sigput kon deralen iray Amalecita.

Exodo 17:14 Iomraidhean Croise

2 Samuel 1:1

Kayariy impatey nen Saul, amawil si David kasumpal ton tinalo ray Amalecita tan nanayam ed Siclag na duay agew.

2 Samuel 8:12

Edom, Moab, Amnon, Filistia, tan Amalec—tan ontan met ed kabyangan na saray nala tod kinen Hadadezer.

1 Saray Awaran 4:42

Linmad palandey na Seir iray liman lasus a kabyangay tribu nen Simeon. Saray angipangulo ed sikara et saray lalakin anak nen Isi a di Pelatias, Nearias, Refaias, tan Uziel.

1 Saray Awaran 4:43

Pinapatey dad man iray akeraan ya Amalecita tan manlapud saman nanayam la rad man.

Esdras 9:14

Kanyan anto niy makasengeg na isumlang mi lamet ed saray ganggan mo tan mangasawa o miasawa ed sarayan maoges a totoo? No gawaen mi ni ya, ompetapetang lay olom ed sikami tan sigput mo kami lan pateyen tan ag mo la abuloyan a walay natilak ed sikami.

Say Libro nen Job 18:17

Angangga la so inkabantug to ed dilin bansa to tan diad arum a bansa; anggapo lay makanunot ed sikato.

Say Libro nen Job 19:23

Oy la komun a walay ag makalingwan ed sarayay ibabagak, tan isulat to rad sakey a libro.

Saray Salmo 9:6

Angga lad angga ya aderal iray kalaban mi. Dineral mo ray siudad da, tan sigput la ran alingwanan.

Exodo 12:14

Nepeg yo yan silibraan ya agew tan sikatoy pakanudnunotan yo ed ginawak, siak a Katawan. Silibraan yo ed anggan kapigan a panaon.”

Exodo 13:9

Sayan pista et sakey a pakanudnonotan a singa bengatlan nisinger ed lima yo odino diad muling yo; ipanunot tod sikayo so pangituloy yoy pangibitla tan panaral na Ganggan na Katawan, lapud say Katawan impaway to kayod Egipto diad panamegley na baleg a pakayari to.

Exodo 17:13

Diad onya si Josue sigput ton tinalo ray Amalecita.

Exodo 24:4

Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel.

Exodo 32:33

Say Katawan inmebat, “Say kangaranan na saramay nankasalanan ed siak so boralen kod librok.

Exodo 34:27

Say Katawan kuantod kinen Moises, “Isulat mo ra yan salita, ta sikara yay letnegan na pisisipanan kod sika tan say Israel.”

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Jeremias 30:2

inkuantod siak: “Isulat mod sakey a libro iray amin ya imbagak ed sika,

Jeremias 36:2

“Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.

Saray Bilang 24:20

Insan diad sayan nipasingayew ed kinen Balaam anengneng to ray Amalecita, tan imbalikas to yan propisiya: “Say Amalec so sankamakapanyarian nen saman ed amin a bansa. Balet diad kaonuran naderal ya anggad angga.”

Saray Bilang 33:2

Lapud ganggan na Katawan, insulat nen Moises so ngaran na kapag pasen a nankampoan da.

Deuteronomio 31:9

Kanyan insulat nen Moises so Ganggan na Dios tan inter tod saray Levitan papari, a makaoley ed Kaban na Sipanan na Katawan, tan diad saray pangulo na Israel.

Josue 4:7

ibaga yod sikara a tinmondan onagos so danum na Jordan nen imbaliw diman so Kaban na Sipanan na Katawan. Saratan a bato et mangipanunot lawas ed saray totood Israel na nipaakar ed agawa dia.”

1 Samuel 15:18

tan ingganggan to kan mamatey ed saray Amalecitan maoges a totoo. Imbaga ton labanan yo ra ya anggad napatey yo ran amin.

1 Samuel 30:1

Kalabas na duay agew, sinmabid Siclag si David tan saray totoo to. Dinogpaan na saray Amalecita so sagur na Juda tan say Siclag. Pinoolan day baley na Siclag,

1 Samuel 30:17

Diad palbangon ed ontombuk ya agew, dinogpaan ira nen David tan nilabanan to ra ya anggad labi. Likud ed apat a lasus a babalolakin batik a nankabayod kamilyo, anggapo lay arum ya akabatik.