Exodo 16:4 - Maung A Balita Biblia

⁴ Say Katawan kuantod kinen Moises, “Natan paoranen ko a manlapud tawen na kakanen a para sikayon amin. Saray totoo et nepeg ya ompaway iran inagew-agew a manala na kanen dan onduga ed sanagew. Diad onya nasubok ko no onuren da kasi iray bilin ko.

Maung a Balita Biblia

⁴ Say Katawan kuantod kinen Moises, Natan paoranen ko a manlapud tawen na kakanen a para sikayon amin. Saray totoo et nepeg ya ompaway iran inagew-agew a manala na kanen dan onduga ed sanagew. Diad onya nasubok ko no onuren da kasi iray bilin ko.

Exodo 16:4 Iomraidhean Croise

Nehemias 11:23

Wala ray totontonen ya impaakaseb na ari nipaakar ed pansosoblay na saray boleg a mangipangulo ed inagew-agew a togtog tan kanta ed Timplo.

Nehemias 9:15

“Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Nehemias 9:20

Lapud kaabigan mo imbagam, so nepeg dan gawaen; initdan mo ray mana a kanen da, tan danum ya inomen da.

Saray Salmo 105:40

Kinmerew ira, et initdan to ray pugo; initdan to ray kakanen a nanlapud tawen a mamesel ed sikara.

Saray Salmo 78:23

Balet nansalitad tawen tan ingganggan ton onlokas iray puirta to;

Exodo 15:25

Masimoon a nampikasi ed Katawan si Moises, et say Katawan impanengneng tod sikato so sakey a poter na kiew. Imbantak nen Moises ed danum imay poter na kiew, et nagmaliw a nayarin inomen la may danum. Diman so angitdan na Katawan na saray ganggan a nepeg dan tombuken, tan diman so anubokan tod sikara.

Exodo 16:15

Nen anengneng ira na saray Israelita, ag da amta no anto ra man kanyan nantetepetan ira, “Anto ya?” Si Moises kuantod sikara, “Sikato yay kanen yo ya inter na Katawan.

Probirbio 30:8

ag mo pa iyaabuloy a mantila ak, tan ag mo pa iyaabuloy ya onyaman ak odino onirap so bilay ko. Iter mo pa labat ed siak sirin so nakaukolan kon tagano.

Mateo 6:11

Itdan mo kami pay kanen mid sayan agew.

Lucas 11:3

Itdan mo kami pay kanen min inagew-agew.

1 CORINTO 10:3

Angan iran amin na namparan maispiritun kakanen,

Deuteronomio 8:16

Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”