Exodo 16:35 - Maung A Balita Biblia

³⁵ Saray Israelita nantagano ra na mana ed loob na apataploy taon, ya anggad asabi ray dalin na Canaan a dimay nanayaman da. (

Maung a Balita Biblia

³⁵ Saray Israelita nantagano ra na mana ed loob na apataploy taon, ya anggad asabi ray dalin na Canaan a dimay nanayaman da. (

Exodo 16:35 Iomraidhean Croise

Nehemias 9:15

“Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Saray Bilang 32:13

Akapasnuk so Katawan ed saray totoo tan impanakar-akar to ran apataploy taon ed kalawakan ya anggad inaatey iray amin a kabyangan na saman a kailalakan a sinmumpad sikato.

Saray Bilang 33:38

Lapud ganggan na Katawan, kinalab nen Aaron a pari so Palandey na Hor. Inatey diman a mantaon na sanlasus tan duamplo tan talo nen ononan agew na kumaliman bulan na kumaapataplon taon kayariy intaynan na saray Israelita manlapud Egipto.

Saray Gawgawa 7:36

Sikatoy angipangulod impaway na saray Israelita ed Egipto, tan amayamay so ginagawa ton milagro tan pakelaw diad Egipto, diad Dayat ya Ambalanga, tan diad kalawakan ed loob na apataploy taon.

1 CORINTO 10:3

Angan iran amin na namparan maispiritun kakanen,

Deuteronomio 1:8

Amin da ra yan pasen et sikaray dalin ya insipan ko, siak a Katawan, ya iter ed saray lalaki yon di Abraham, Isaac, tan Jacob, tan diad saray kabyangay boleg da. Laka yo sirin tan panayaman yo.’”

Deuteronomio 2:7

“Nunot yo no panoy impamindision na Katawan a Dios yo ed amin a ginagawa yo. Inasikayo to kayo legan yon nanaakar-akar ed sayan maawang a kalawakan. Apataploy taon ya inolup to kayo, tan ag kayon balut kinmulang ed antokaman a nakaukolan yo.

Deuteronomio 29:4

Balet anggad natan ag to ni impatalus ed sikayo so kabaliksan na saraman ya asalsali yo.

Deuteronomio 8:4

Legan na saman ya apataploy taon ag balut dinmaan so kawes yo, ni alanukan iray sali yo.

Josue 5:12

Tinmonda lad saman a pinmelag iray mana, tan anggapo lay naala na saray Israelita. Nanlapu lad saman a panaon nanaakan la ra na saray kakanen a nanlapud bungay dalin na Canaan.